Ndryshim kursi politik në Itali. Tashmë 5 Yjet kërkojnë qeveri me PD-në. Lëvizja 5 Yjet i ka bërë thirrje armiqve të Partisë Demokratike të Matteo Renzit që të bëjnë një qeveri së bashku.
Italia, ndryshim kursi politik: 5 Yjet kërkojnë qeveri me PD-në.
Plot 50 ditë pas dështimit për formimit të një qeverie nga koalicioni më i madh, ai i qendrës së djathtë gjërat lëvizin ndryshe.
Presidenti i Republikës Italiane, Sergio Matarella, ka ngarkuar kreun e Dhomës së Deputetëve Roberto Fico që të eksplorojë nëse ekziston mundësia e një pakti mes 5 Yjeve dhe PD-së.
Pikërisht ky evenimet ka shkaktuar tërmet në partinë që humbi zgjedhjet italiane. Opinioni i brendshëm është ndarë keq; një pjesë janë dakord me një qeveri me 5 Yjet.
Arsyeja është për të mos lejuar ekstremistët e Lega-s që të drejtojnë vendin. Kurse pjesa tjetër që drejtohen nga kreu i dorëhequr kanë nisur revoltën, duke thënë se po tradhtohen zgjedhësit.
Në rrjet ka shpërthyer hashtagu RenziRitorna që kërkojnë shkrirjen e dorëheqjes së kryetarit të partisë si dhe daljen në zgjedhje të reja duke luftuar ekstremizmin.
Për lajm-shqip:
Ylli Pata
