Ngjarja ka ndodhur në Itali: Arrestohen shqiptarët që shpërndanin kokainë, me viza turistike..! Vizat turistike, që lejojnë lëvizjen e lirë 3 mujore në zonën Shengen, ka bërë që shumë shqiptarë të shkojnë në Itali dhe të merren me shpërndarje droge.
Itali: Arrestohen shqiptarët që shpërndanin kokainë, me viza turistike..!
Kjo është një risi, apo më mirë të themi një shpikje, që vetëm mentalitetit shqiptar mund t’i shkojë nëpër mend. Kështu shkruajnë sot mediat italiane. Sipas tyre ‘shpërndarësit e kokainës vijnë në Itali, falë edhe lëvizjes së lirë 3 mujorshe pas heqjes së vizave, për Shqipërinë me vendet e BE-s’.
Shumë trafikantë droge, kthehen në Shqipëri, por po shumë të tjerë. vijnë në Itali…Kështu shkruan sot gazeta ‘Il Resto di Carlino’. Gjithsesi, një ditë më parë u vunë në pranga 3 shqiptarë, dy djem dhe një vajzë. Të tre e kishin kaluar kufirin pikërisht falë kësaj lëvizje të lirë.
Sipas asaj që shkruajnë mediat, të tre shqiptarët, falë ‘vizave turistike’ kishin pasur lëvizje të shumta mes Shqipërisë dhe Italisë. Aktiviteti i tyre duket se ishte pikërisht shpërndarja e kokainës. Ndërsa kjo gjendje do të vazhdojë…por deri kur…?
Për Lajm-shqip
Leonard Xhelili
