Ishulli i Santa Kruzit në arkipelagun San Bernando të Kolumbisë është nga më të veçantit dhe më të populluarit në botë. Madhësia e ishullit është gati sa dy fusha futbolli. Aty jetojnë 1200 banorë dhe ka vetëm 115 shtëpi pasi toka nuk është e mjaftueshme.
Shtëpitë shumëngjyrëshe janë ndërtuar prej shumë kohësh dhe trashëgohen brez pas brezi, pasi në ishull nuk ka banorë të rinj. Të gjithë kanë lindur aty.
Ishulli më i veçantë dhe më i populluar i botës ku nuk ka krime dhe…
Turistët mund ta vizitojnë ishullin, por nuk kanë se ku të qëndrojnë aty. Ata rrinë në një ishull tjetër pranë. .
Një prej banorëve të Santa Kruzit, Juve Nal, shprehet:
“Këtu nuk ka krime, – thotë ai. – Nuk kemi polici, nuk kemi pasur ndonjëherë dhe nuk ua kemi nevojën.
Ku ka vend tjetër në botë ku nuk nevojitet policia? Unë zgjohem çdo ditë nën tingujt e dallgëve dhe kam pamje nga deti. S’do të doja të jetoja në asnjë vend tjetër”, thotë ai.
Megjithatë autoritetet kolumbiane janë të shqetësuar për fatin e ishullit dhe të banorëve për shkak se niveli i ujit po rritet. Banorët e zonës nuk duan as ta mendojnë dhe as ta dëgjojnë këtë gjë, për shkak se për ta largimi prej aty është një gjë që nuk mund të pranohet.
Këtë e thotë edhe Alehandro Alzate, menaxheri i hotelit “Punta Faro” në ishullin fqinj, sipas tij jetë si në Santa Kruz, banorët nuk mund të gjejnë asnjë vend tjetër.
Për lajm-shqip:
Klajdi Thaçi
26.08.2018
