ISHP zbardh shkaqet e humbjes së tre jetëve në Sanatorium/ “Injektoni vaksinën”…
Instituti i Shëndetit Publik ka zbuluar shkaqet që morën jetën tre pacientëve në Sanatorium. Sipas ISHP 2 nga tre rastet janë të shkaktuara nga virusi AH1N1.
Silva Bino, doli në një deklaratë për mediat duke sqaruar shkaqet që çuan në humbje jetësh.
Ajo bëri thirrje të bëhet vaksina e gripit.
“Virusi i Gripit që qarkullon në vendn tonë është Ah1n1.
Është qarkullim i njëjtë me Italinë, Maqedoninë. Janë 2 raste të konfirmuara, ndërsa po verifikohet për një të tretë. 1 rast është i Tiranës, 2 janë të referuara nga Elbasani.
Kemi qarkullim të gripit, me intensitet mesatar.
Nuk është grip derri. Është virus sezonal, i përfshirë në vaksinën e gripit të ofruar nga Ministria e Shëndetësisë por edhe nga farmacitë private.
Kemi një përdorim 80% tëvaksinës, ndërsa inkurajoj të gjithë njerëzit të vaksinohen.
Vaksinimi ka filluar që në nëntor. 50 mijë doza kanë ardhur nga vendet e huaja, ndërsa 50 mijë të tjera kanë ardhur nga Ministria e Shëndetësisë.
Bëj thirrje që personat të cilët kanë dyshime për fruth, të mos paraqiten në urgjencë, por pranë qendrave shëndetësore.
Personat që kanë vdekur kanë qenë të pavaksinuar.
Personat ishin nga moshat 40-60 vjeç.
Kanë patur edhe sëmundje të tjera akute që kanë ndikuar duke rënduar gjendjen e pacientëve”- u shpreh doktoresha.
Erjona Keta
04.02.2019
