Vjen një reagim nga ish-presidenti Bujar Nishani pas deklaratave të kryeministrit Edi Rama.
Ai e ka cilësuar fjalimin e Ramës një ‘llogore të neveritshme të dëgjuar me dhjetra herë nga shqiptarët’.
Ish-presidenti Nishani për Ramën: Llogore e neveritshme…
Monologu i papërgjegjshëm i kryeministrit nga streha e ngrohtë dhe luksoze e Qeverisë, ishte një logorre tashmë e neveritëshme. E dëgjuar nga shqiptarët me dhjetra herë në këto gjashtë vite qeverisje sa herë që shpërthejnë skandale të tmerrshme të pa dëgjuara kurrë më parë.
Llogore, që sa herë shpërthenin këto skandale, zaptonte ekranet dhe lëshonte zorrën e shkumës me synimin për të davaritur erën e qelbur të skandalit të rradhës.
Përballë kësaj logorreje, atje në bulevardin e ftohtë dhe të lagësht, ndoshta shumica prej tyre edhe pa ngrëne dot mëngjes për të kursyer ato pak para, qëndronin sfidues studentët. Shpresa e rilindur për Shqipërinë.
Mesazhi thelbësor i logorresë nga zyra e luksit kryeministror ishte: “rrini atje se nuk më jepni dot mua leksione”.
Një diversion “alla punist” për ti veshur protestës së studentëve nxitjen nga “armiqtë e partisë”.
Ish-presidenti Nishani për Ramën: Llogore e neveritshme…
Shqiptarët e panë prej gjashtë vitesh çfarë ju bëri: e mbushi politikën dhe institucionet e shtetit me kriminelë, varfëroi tryezën e ushqimit të çdo familje. AI pasuroi me miliarda marramendëse 10 oligarkë që blejnë pushtetin e luksit të atij me mjerimin e shqiptarëve, mbushi vendin me kanabis dhe mbolli kulturën e drogës. Vrau shpresën dhe detyroi qindramijëra shqiptarë të braktisin vendin. I dha fytyrën dhe fuqinë e shtetit vrasësve, trafikantëve dhe gangsterëve të botës së krimit.
Përjashtoi studentët nga qeverisja universitare dhe ju rriti tarifat e shkollimit me pesëfish.
Qindra milion euro që jua merr studentëve me tarifat, prindërve të tyre me taksa mbi taksa.
Kjo është vjedhje ulëritëse.
Elsa Kepi
10.12.2018
Të ngjashme mund të lexoni:
