Ish-kongresmeni amerikan dhe themeluesi i Lidhjes Qytetare Shqiptaro-Amerikane, Xhozef DioGuardi, i vetmi grupim lobues për shqiptarët në Uashington, deklaroi se shqiptarët janë më pro amerikanëve. Ata janë më pro demokratikëve dhe më tolerantët në aspektin fetar.
Sipas Xhozef DioGuardit, më 11 shtator 2001 kur terroristët rrëzuan kullat binjake në Nju Jork, shqiptarët qanin. Ndërsa serbët, grekët, malazezët dhe maqedonasit kërcenin nga gëzimi.
Ish-kongresmeni amerikan e bëri këtë deklaratë gjatë një séance dëgjimore. Seanca ishte në nënkomisionin e punëve të jashtme të Kongresit, për Europën dhe Eurazinë, kundër lobuesit serb, Ivan Vejvoda. Ky i fundit është ish- këshilltari për politikë të jashtme në qeverinë serbe të Zoran Xhinxhiç dhe Zoran Zivkoviç.
Ndërsa lobuesi serb, Vejvoda, u përpoq të tregonte se procesi i normalizimit të marrëdhënieve mes Kosovës dhe Serbisë, ishte në rrugën e duhur, Kongresmeni amerikan DioGuardi ndërhyri për të hedhur poshtë këtë pretendim.
“Si mund të ketë normalizim të marrëdhënieve kur në të gjitha rastet që i ofrohen Serbisë, ajo thotë se ne asnjëherë nuk do ta njohim shtetin e Kosovës. Si mund të keni integrim evropian kur 5 vende nga 28 vende të Bashkimit Evropian nuk e njohin pavarësinë e Kosovës. Dhe mos harroni se kush janë shqiptarët. Ata janë më pro amerikanët, më pro demokratikët, dhe më tolerantët në aspektin fetar. Janë ata që në shtator 2001 ecnin duke qarë nëpër rrugë me qirinj në duar. Ndërsa serbët, grekët, malazezët dhe maqedonasit kërcenin nga gëzimi.
Ata nuk janë sllavë. Nuk duhet të ishin futur kurrë në një shtet të quajtur Jugosllavi. Ky ishte gabimi më i madh pas Luftës i Botërore”
tha ai, përcjell OraNews.
DioGuardi gjithashtu kritikoi Bashkimin Evropian se duke i mbyllur dyert të rinjve të Kosovës, po i detyron të drejtohen nga Turqia. Ndërsa kritikoi edhe Departamentin Amerikan të Shtetit për lobimin e pakët në BE për çështjen shqiptare.
21.11.2017
