Irani, luftë spiunësh në Tiranë: Sjell brigadën e Jerusalemit
Lojë spiunësh në Tiranë. Rritet temperatura e përplasjes mes Teheranit zyrtarë dhe muxhahidinëve.
Përplasje e cila kryhet në mes të kryeqytetit shqiptar, por që lidhje kanë përplasjen për pushtet në vendin e tyre.
Muxhahidinët opozitarë, kanë dërguar një informacion në qeverinë shqiptare dhe ambasadat perëndimore në vend.
Ata denoncojnë ardhjen e një hierarku të lartë të shërbimit sekret Iranian.
Irani, luftë spiunësh në Tiranë: Sjell brigadën e Jerusalemit
Sipas tyre, një zyrtar veteran i MOIS-it shërbimit sekret Iranian, është dërguar në Tiranë me misionin e Sekretarit të Parë të Ambasadës së Iranit.
Ndërkaq, opozitarët iranianë deklarojnë se në Shqipëri janë sjellë edhe pjesëtarë të të tmerrshmes “Brigadë e Jerusalemit” të Gardës Revolucionare.
Apo siç quhen Quds Force që drejtohen nga i “frikshmi” Qazim Sulejmani.
“Brigada e Jerusalemit” janë kontigjente të Gardës Revolucionare që veprojnë jashtë territorit të Iranit.
Për diplomatin që është emëruar në Tiranë (muxhahidinët e përmendin edhe me emër por për arsye etike nuk e përmendim), opozita e Iranit thekson se ishte në krye të qendrës së zbulimit në ambasadën iraniane në Austri në fillim të vitit 2010.
Ai u kthye në Iran në shtator 2014 dhe punoi në selinë qëndrore të MOIS-it.
Në fund të misionit të tij në Vjenë, ai u ngrit në pozitë si përgjegjës për qendrat e inteligjencës në të gjitha vendet evropiane.
Që nga koha kur ishte në Austri, diplomati ka punuar i ngarkuar për muxhahidinët.
Ai ka qenë në kontakt me një numër ish-anëtarësh të PMOI (Organizatës së Muxhahidinëve të Popullit).
Në letrën e saj opozita thekson se i sapoemëruari në Tiranë është drejtuesi i një seksioni të madh kundër opozitës dhe ka ngritur fondacione ku financohen miliona usd.
Sipas opozitës, diplomati ka aktivizuar dy degë të MOIS nën maskën e agjencive kulturore dhe të shtypit në Shqipëri.
Në vitin 2016, gjatë zhvendosjes së anëtarëve të PMOI në Shqipëri, një agjent tjetër veteran i MOIS, u emërua ambasador i regjimit në Shqipëri, thekson opozita.
Përderisa kjo betejë mes dy palëve zhvillohet në kuadër të propagandës, nuk ka ndonjë problem.
Por nëse siç theksojnë muxhahidinët kanë mbërritur element të armatosur si “Quds Focre”, atëherë gjendja bëhet më shumë se dramatike.
Kjo krijon gjasat e zhvendosjes së konfliktit të armatosur çka mund të destabilizonte vendin.
Për lajm-shqip
Ylli Pata
