DIVJAKE – Inspektoriati Ndërtimor Urbanistik Kombëtar ka vijuar ditën e sotme aksioni për prishjen e ndërtimeve pa leje në bregdetin e Divjakës dhe plazhin e Semanit, zona ku nuk është ndërhyrë më parë.
Sipas INUK në bregdetin e Divjakës janë rreth 20 objekte pa leje, ndërkohë në plazhin e Semanit janë rreth 100 objekte pa leje.
Aksioni në Divjakë dhe Seman është në vijim të aksioneve të tjera të ndërmarra nga INUK në mbështetje të komunave dhe bashkive në të gjithë vendin, për lirimin e hapsirave publike dhe prishjen e ndërtimeve pa leje në të gjithë zonën bregdetare.
Sipas INUK, këto aksione vijnë në zbatim të ligjit për inspektimin e ndërtimit dhe planifikimin e territorit, me qëllim respektimin e normave dhe standardeve në ndërtim e urbanistikë.
10.10.2012
Burimi: Balkanweb
INUK aksion për ndërtimet pa leje në Divjakë dhe Seman
