Në intervistën për “Top Story”-n, presidenti i FSHF-së e la të hapur kandidimin për një mandat të pestë në drejtimin e futbollit shqiptar.

Armand Duka e drejton futbollin që prej vitit 2002.

Në 2002-n, Armand Duka mundi ish-drejtorin e stadiumit “Qemal Stafa”, Mehdi Bushati.

Katër vjet më vonë, në garë me Armand Dukën ishin Edmond Haxhija dhe Salvador Kaçaj.

Në 2010-n, përballë Dukës u vu presidenti i Tiranës, Refik Halili, dhe ish-kapiteni Rudi Vata.

Vetëm në zgjedhjet e fundit nuk pati asnjë kandidat dhe zgjedhjet përfunduan me duartrokitje.

Por, qëndrimi i Dukës në krye të Federatës nuk lidhet aq me kandidatët, sesa me bilancin e këtyre 16 viteve.

Pjesëmarrja në Europianin ‘France 2016’

Në 2016-n, futbolli shqiptar arriti kulmin me pjesëmarrjen e Kombëtares në Europianin “Francë 2016”.

Kurse, stadiumi i ri kombëtar po lartësohet përditë, pas një nisme të Federatës dhe investimeve të rëndësishme në stadiumet ekzistues.