Nuk ka ndodhur asnjëherë që punonjësit e një institucioni publik, të ndiqen penalisht nga organi i akuzës.
Inspektoriati Shëndetësor Shtetëror në Gjirokastër, është institucioni i parë që shënon rekordin për penalizimin e të gjithë stafit punonjës.
Të ngjashme mund të lexoni:
• Monumentet e gurta mbulohen me beton
Nuk ka ndodhur asnjëherë, institucioni ku të gjithë punonjësit janë nën akuzë
Inspektorët e këtij institucioni ndiqen penalisht dhe mbi ta rëndon akuza “Shpërdorim Detyre”.
Dhjetëra biznese kryesisht lokale, kanë depozituar në Prokurorinë e Gjirokastrës akuza konkrete me video e audio që vërtetojnë aktivitetin e inspektorëve në terren, i cili ka qenë kompromentues dhe në kundërshtim të plotë me ligjin.
Në krye të listës së punonjësve që po ndiqen penalisht është ish-drejtoresha i ISHSH e shkarkuar ditë më parë, Mirela Cabelli.
Po ashtu edhe ajo e komanduar rishtaz, Ina Cani.
Ditën e djeshme dhe sot, të gjithë inspektorët janë marrë në pyetje nga oficerët e Policisë Gjyqësore në Prokurorinë e Gjirokastrës.
Ndaj tyre është hapur proces penal.
Mjaft prej tyre kanë qenë të shoqëruar me mbrojtës ligjorë.
Në janar priten zhvillime të reja për ecurinë e mëtejshme të hetimeve nga inspektorë të ISHSH.
30.12.2017
