Arrestohet infermierja joshëse, grabiste pacientët e spitalit duke përfituar nga aftësitë e saj estetike. Ajo i joshte fillimisht meshkujt, duke i bërë të imagjinojnë mbrëmje të paharrueshme.
Por pastaj, me ndihmën e ndonjë gote verë me pluhur droge brenda, i grabiste dhe përfitonte, duke i marrë kartat e bankomatit për t’i zhvatur dhe paratë.
Është kjo aventura tragjikomike ku kanë mbetur viktimë meshkuj të ndryshëm në Trevizo të Italisë. Gruaja, një infermiere 34-vjeçare nga Rumania, e cila punonte në spitalin e Padovës, është arrestuar nga karabinierët.
Hetimet, sipas asaj që shkruan e përditshmja italiane “Gazzettino”, kanë nisur pas disa rasteve të çuditshme të disa pacientëve të spitalit ku punonte e reja.
Duke hetuar, policia ka zbuluar xhiron e pazakontë të të dashurve dhe taktikën që gruaja kishte vënë në jetë me dhjetëra herë.
Ndërsa pacientët e spitalit ishin të çoroditur nga droga, infermierja joshëse i merrte kartat.
Pasi i merrte kartat e bankës dhe shkonte në sportelin më të afërt për të marrë sa më shumë para që të kishte mundësi.
www.lajm-shqip.com
