Shumë infermierë po largohen masivisht nga Shqipëria. Këto largime kanë prekur edhe qarkun e Durrësit.
Vetëm përgjatë vitit 2017 në drejtim të vendeve të Bashkimit Europian, janë larguar nga qarku i Durrësit nëntëdhjete infermierë si dhe nëntë fizioterapistë.
Gjermania ‘rrëmben’ mjekë dhe infermierë.
Ata kanë zgjedhur kryesishtë Gjermaninë, për një pagë dhe trajtim, më të mirë.
Sipas të dhënave që i ka bërë me dije Presidenti i Urdhrit Të Infermierëve në qarkun e Durrësit Lutfi Lami, pesëdhjetë prej infermierëve të larguar tashmë i përkasin spitalit rajonal të Durrësit . Një numër rekord, duke e krahasuar me një vit më parë.
Nga nëntëdhjetë infermierë të larguar, rreth pesëdhjetë prej tyre rezultojhnë të punësuar në spitale të ndryshme të Gjermanisë.
Pjesa tjetër janë në procedura.
Nëse ky largim do të vazhdojë edhe përgjatë muajve në vijim, spitali rajonal i Durrësit si edhe qendra të ndryshme shëndetësore, do të hasen në problemne të mprehta përsa i përket mungesës së stafit të mjekëve apo edhe infermierëve.
Për lajm-shqip
Silvi Feimi
