Impiant modern i përpunimit të mbetjeve urbane në Elbasan
Impiant modern
Elbasani ka shpëtuar nga ndotja. Ka përfunduar investimi i impiantit të përpunimit të mbetjeve urbane.
Kësisoj është bërë e mundur evitimi i ndotjes së qytetit.
Kjo, si pasojë e djegies së plehrave në fushën e vjetër, që ndodhej shumë pranë varrezave publike.
Elbasani mbulohej nga tymi dhe era e keqe.
Qazim Sejdini
Kreu i Bashkisë së Elbasanit, Qazim Sejdini tha se:
“Edhe pse gjatë nisjes së investimeve e deri në përfundim, ky investim ishte mosbesues, tashmë kjo vepër është kthyer në realitet.
Më në fund, qytetarët elbasanas nuk do të kenë më problem për përpunimin e mbetjeve urbane”.
Impianti i djegies cilësohet si një prej projekteve më të mëdha në fushën e mjedisit, si i pari i këtij lloji në vendin tonë.
Me një investim prej 22 milionë euro, ky impiant i jep zgjidhje problemit serioz të trajtimit të mbetjeve urbane.
Madje, djegien e tyre e shndërron në energji.
Impianti është vendosur në vendgrumbullimin e mbetjeve në anë të ish-Kombinatit Metalurgjik.
Aty gjenerohen rreth 120-140 tonë mbetje urbane.
Ky investim parasheh avantazhe jo vetëm për Elbasanin, por edhe më gjerë.
Energjia e gjelbër
Nga njëra anë, i jepet zgjidhje mbledhjes dhe grumbullimit të mbetjeve.
Por, nga trajtimi teknologjik i tyre, do të përfitohet edhe energji e gjelbër.
Investimi i kushton rëndësi të posaçme, përmbushjes së kërkesave teknologjike dhe mjedisore, sipas standardeve europiane.
Impianti ka në përdorim një teknologji bashkëkohore, që siguron shmangien e çdo ndikimi negativ në mjedis.
Falë kësaj teknologjie, që siguron djegie në 360 gradë, në impiant mund të trajtohen edhe mbetje spitalore.
Impianti i përpunimit të mbetjeve urbane po sjell ndikim edhe në ekonominë lokale.
Nga përpunimi i mbetjeve parashikohet të sigurohen rreth 400 tonë skrap dhe plastikë në vit.
Prej tyre vlerësohet të gjenerohet një e ardhur vjetore prej 90 mijë euro.
Për Lajm Shqip
Alfrida Danushi
