Kjo, ndodhi gjatë protestës përpara ambasadës greke në Tiranë. Kreu i PDIU-së, Shpëtim Idrizi, ju drejtua Presidentit Grek Pavlopulos, me fjalët: S’jemi ne, s’jemi ‘kolaboracionist’…por, je ti Irredentist,
Ne, s’jemi ‘kolaboracionist’… por, je ti Irredentist, tha Idrizi, për Presidentin Grek.
E gjithë kjo, teksa po protestohet kundër marrëveshjes Shqipëri-Greqi. Por dhe në lidhje me emrin “Çamëri”. Kreu i PDIU-së, Shpëtim Idrizi iu përgjigj deklaratave të pak kohëve më parë të Presidentit grek.
Gjatë një vizite të presidentit Prokopis Pavlopulous, në Shtabin e Forcave Ajrore në Larisa. Ai e cilësoi çështjen çame si “pjesë të mizorive naziste gjatë Luftës së Dytë Botërore”.
Por e menjëhershme, ka qënë përgjigjja e Kryetarit të PDIU-së, Shpëtim Idrizi. Idrizi citoi se:
“Pavlopulos, na ka quajtur kolaboracionistë?.. E kemi dëgjuar se është çështje moshe thonë disa, ka rrjedhur. Por ai është më shumë se plak i rrjedhur dhe arrogant. Ja ku e keni (tregon një foto) nuk është i rrjedhur por është irredentist”,- tha Idrizi.
Më tej, Idrizi duke iu drejtuar kryeministrit të Greqisë, Aleksis Cipras me fjalët: Çamët nuk kërkojnë ndryshim kufijsh, por ndjesë, që të mund të falin e dy popujt të jetojnë si miq.
“I bëjmë thirrje popullit grek edhe kryeministrit të Greqisë. Ne nuk kërkojmë shpat të ndryshojmë kufijtë, por ndjesë që të kemi mundësi të falim që dy popujt të jetojnë si dy popuj miq, se ndryshe ne do të jemi për ta kompleksi i Makbethit”,- shtoi ai.
Më tej ai sqaroi me detaje pretendimet e vetme që kanë çamët sot. Idrizi tha se grekët me Pavlopulos në krye, duhet që:
Të bëjnë një ‘Falje të madhe dhe publike për paraardhësit tanë që nuk u vranë në luftë por në shtëpitë e tyre’
Kërkojmë të na lejojnë, që të kthehemi në vatrat tona. Ne nuk kërkojmë prona ne kërkojmë Atdheun dhe Atdheu ynë është Çamëria.
E treta, Shqiptarët që jetojnë atje, arvanitasit të shpallen minoritet etnik shqiptar në vatrat e tyre.
Dhe e fundit, Ne nuk kërkojnë ndryshim kufijsh, por falje dhe ndjesë.
Për lajm-shqip:
Leonard Xhelili
