I refuzon dashurinë për martesë, dhunohet rëndë bashkëfshatarja.
Komplekset maskiliste ngrejnë krye në një fshat të Librazhdit. I refuzon dashurinë për martesë, dhunohet rëndë bashkëfshatarja 22 vjeçare.
Me “të drejtën”, që i jep vetes mashkulli, dhunon vajzën që adhuronte, pas një përgjigjeje negative që mori nga ana e saj. Ngjarja ka ndodhur në fshatin Gurrë të zonës së Bërzeshtës në Librazhd. Sipas burimeve policore të policisë, E.D, vjeç 29, banues në fshatin Bërzeshtë, ka goditur me grushta 22 vjeçaren F.H. Kjo e fundit, banuese po në fshatin Gurrë. Të dhënat policore përforcohen edhe me pohime të vetë banorëve të këtij fshati. Vajza 22 vjeçare nuk kishte pranuar asnjëherë propozimet e 29 vjeçarit. Realisht, propozimet e tij kanë qenë për një lidhje serioze. Dhe në një të ardhme të afërt, të kurorëzoheshin me martesë. Vajza ka kundërshtuar gjithmonë këtë propozim. Ndërsa është dhunuar nga djali apasionant, ajo ka bërë kallzim në polici. Kjo e fundit e ka “kopsitur” dosjen në ngarkim të dhunesit. Materialet në ngarkim të tij i kanë kaluar Prokurorisë së Rrethit Gjyqësoor të Elbasanit.
Për Lajm-Shqip
Alfrida Danushi
