Aktorja amerikane Rachael Farrokh është 37 vjeçe dhe prej vitesh vuan nga anoreksia nervore. Kjo gjendje e ka çuar atë drejt vdekjes. Madje, jo shumë kohë më parë, ajo publikoi një video për ndihmë në YouTube. Në atë kohë ajo ishte rreth 170 cm e gjatë dhe peshonte vetëm 20 kg.
Gjendja e saj e trupit po ndikonte edhe në trurin e Rachael, dhe kjo ishte akoma më shqetësuese për të, mirëpo burri i saj Rod, bëri diçka madhështore, la punën dhe të gjitha angazhimet e tij, për t’u kujdesur për gruan.
Humbi 40 kg nga sëmundja, por bashkëshorti nuk e la. Ai vendosi të kujdesej për të duke sakrifikuar dhe punën e tij.
Qëndroi ditë e natë pranë saj, duke ia dëshmuar kështu me kujdesin që po i bënte edhe dashurinë e madhe që ndiente për të. Dhe, pikërisht gjesti i burrit të saj bëri që ajo të mos e humbte edhe mendjen për shkak të sëmundjes që kishte. Me kalimin e kohës ndodhi mrekullia, ajo filloi të rimëkëmbej, falë këmbënguljes së burrit të saj.
Pas rreth 6 muajsh kurimi, ajo ishte jashtë rrezikut për jetën dhe u shfaq përpara telekamerave me projekte të reja për jetën, gjithmonë duke mos lënë pas dore kurën për anoreksinë, e cila është në gjendje të sjellë një ndryshim radikal në jetën e çdokujt që vuan prej kësaj sëmundjeje.
Për lajm-shqip:
Klajdi Thaçi
06.04.2018
