Një djalë 18-vjeçar gjeti vdekjen për shkak të kequshqyerjes dhe keqtrajtimeve të pësuara. Nën akuzë për vdekjen e tij janë vënë e ëma, gjyshja dhe motra, të cilat nuk janë kujdesur siç duhet për të, deri sa e katandisën në një skelet.
Viktima mund të krahasohej fare mirë me ato të kampeve të përqendrimit të luftës së dytë botërore.
Horror/ E katandisën në një skelet, policët u gjejnë edhe një kufomë në çantë …
Janë cilësuar si monstruoze nga mediat ndërkombëtare. Madje shumë komentues kanë “vjellë vrer” ndaj tre femrave me sjellje anormale, ndaj asaj që i kanë bërë 18-vjeçarit.
“Këto nuk meritojnë as faljen e Zotit”, kanë qenë komentet e personave nga më të ndryshëm në portalet si “Daily Mail” etj.
Pamjet e tyre lënë për të dëshiruar, edhe qëndrimi i tyre duket paksa anormal, por askush nuk e kishte menduar se nënë, gjyshja dhe motra do vrisnin familjarin e tyre 18-vjeçar. Kjo ngjarje ka tronditur opinionin public anglez.
Ngjarja horror vjen nga Yorkshire, në Angli. Nëna Dawn Cranston, 45 vjeçe, gjyshja Denise Cranston, 70 vjeçe dhe motra Abigail Burling, 25 vjeçe, akuzohen për vrasje. Jordan Burling, vdiq “totalisht i pambrojtur” mbi një dyshek plazhi, me shenja të dukshme dhune dhe keqtrajtimi.
Është ky konkluzioni i Prokurorisë, i paraqitur këtë të mërkurë në gjykatë, ku po zhvillohet seanca në ngarkim të tre të akuzuarave.
I riu vdiq më 30 qershor 2016 si pasojë e kequshqyerjes, plagëve të shumta dhe të qelbësuara në braktisje totale. Por horrorit i shtohet dhe më shumë se kaq! Ndërsa policia po hetonte në dhomën e Jordan pas vdekjes së tij, brenda një çante u gjet kufoma e një foshnje të sapolindur.
Për lajm-shqip:
Jorida Fataj
08.06.2018
