Një historian psikopat rus, festoi ditëlindjet e 150 vajzave të vogla të cilat i kishte nxjerrë nga varrezat dhe më pas i kishte mumifikuar.
Anatoli Moskvin, 46 vjeç, nga qyteti i Nizhny Novgorod në Rusi, u arrestua në vitin 2011 pasi doli se kishte hapur varret e vajzave të moshës ndërmjet tre dhe 12 vjeç, duke i marrë atyre trupat.
Më pas i kishte çuar trupat në shtëpi duke i kthyer në një koleksion kukullash të mumifikuara. Moskvin i veshi trupat dhe skeletet, madje duke u vënë edhe sy si arushë pelushi.
Një video e bërë nga Moskvin dhe e gjetur në banesën e tij nga hetuesit tregon një korridor të mbushur me veshje festive, plot ngjyra dhe shkëlqim.
Përgjatë gjithë shtëpisë së tij shihen një seri kostumesh të çuditshme.
Historiani rus nxjerr 150 vajza të vdekura nga varrezat dhe i bën…
Këtë javë një gjyqtar zbuloi se Moskvin nuk ishte i aftë mendërisht për t’u gjykuar dhe duhet të qëndronte në një klinikë psikiatrike.
Moskvin, i cili flet 13 gjuhë dhe u përshkrua në gjykatë si një “gjeni”, tregoi edhe emrat e kufomave të mumifikuara, për të cilat organizonte edhe ditëlindje megjithëse ato kishin vite të vdekura.
Një zëdhënës në video thotë: “Këto kukulla janë bërë nga mbetjet mortore, por janë të mumifikuara”.
Policia tha se Moskvin gjithashtu përpiloi informacion të përditësuar rreth jetës së çdo vajze që kishte hapur dhe në kompjuter kishte planifikuar një skenar se si të prodhonte kukulla me mbetjet njerëzore.
Një zëdhënës i prokurorisë tha:
“Pas tre viteve të monitorimit të tij në një klinikë psikiatrike është absolutisht e qartë se Moskvin nuk është mendërisht i aftë për gjykim. Prandaj ai do të mbahet për trajtim psikiatrik në klinikë.
Makabra e Movskin me 150 trupa vajzash u zbulua nga prindërit e tij”.
Për lajm-shqip:
Klajdi Thaçi
26.09.2018
