Histori rrënqethëse: Si I vrau Enveri 988 shqiptarë që tentuan të arratisen… Një dokument tepër sekret i Sigurimit të Shtetit, i publikuar sot në Tiranë. Ai mban datën 20 nëntor 1990, e nxjerr se që nga viti 1944 e deri në vitin 1989.
Histori rrënqethëse: Si i vrau Enveri 988 shqiptarë që tentuan të arratisen…
Në statistikat e AQSH-së, shkruhet se gjatë regjimit diktatorial në Shqipëri janë arratisë 13.692 persona. Nga të cilët 988 janë vra në përpjekje për të kaluar kufirin shtetëror. Gjysma e tyre, ose 7.211 kishin ikë brenda 15 viteve të para të diktaturës. Pra nga viti 1944 deri në vitin 1959. Ndërsa, 208 prej tyre konsideroheshin kriminelë lufte.
Dokumenti mban nënshkrimin e ministrit të Brendshëm të asaj kohe,. Hekuran Isai, dhe i drejtohet liderit komunist Ramiz Alia,. në detyrën e Sekretarit të Parë të Komitetit Qendror të Partisë së Punës së Shqipërisë. Madje ky raport, thuhet se i është mbajtë sekret dhe vetë Enver Hoxhës Raporti erdhi pak kohë mbas ikjes së 4.785 personave në ambasadat perëndimore në Tiranë, në 2 Korrikun e vitit 1990. Dokumenti po ashtu tregon dhe për 800 persona të tjerë. Të cilët kishin dalë jashtë Shqipërisë në mënyrë të rregullt me pasaportë e me vizë. Por që nuk ishin kthye më në atdhe.
Gjatë regjimit diktatorial në Shqipëri janë arratisë 13.692 persona
Dokumenti përmend një amnisti të vitit 1959, prej të cilës përfituar një pjesë e të ikurve. Por dhe riatdhesimin e vetëm 60 shqiptarëve gjatë 46 viteve të komunizmit. Në raport ceken gjithashtu dhe një numër i madh i shqiptarëve të arratisur. Që sipas Sigurimit të Shtetit, merren me veprimtari armiqësore kundër Shqipërisë. Në këto foto shfaqet një prej personave të arratisur nga Shqipëria, Nasi Pavllo. Pavllo u arratis me 2 Korrik të vitit 1984 nga Liqeni i Shkodrës. Që prej vendosjes së diktaturës komuniste, në vitin 1944, arratisja nga Shqipëria konsiderohej tradhti ndaj atdheut.
Nga të dhënat, thuhet se ky raport i është mbajtë sekret dhe vetë Enver Hoxhës
Tradhtia ndaj atdheut ishte përfshirë në ligjin për arratisjet, i cili u shfuqizua me vendimin e Kuvendit të Shqipërisë me 8 Maj 1990. Mirëpo pavarësisht këtij shfuqizimi, që e kaloi arratisjen nga vendi jo si tradhti ndaj atdheut, por si kalim i paligjshëm i kufirit, shumë shqiptarë vazhduan të vriten në kufi. Një nga rastet ma skandaloze ishte ai i Pllumb Pllumbit, 17-vjeçar nga Shkodra, që mbasi u vra në përpjekje për të kaluar kufirin, më 16 Qershor të vitit 1990, u shëtit nëpër krejt qytetin, i lidhur me tela mbi një kamion të hapur të Sigurimit të Shtetit. Ndërsa komunizmi ishte në frymën e fundit, se as këto vrasje nuk ia zgjatën ma jetën.
Për lajm-shqip:
Leonard Xhelili
23.05.2018
