Vetëm disa ditë përpara dasmës, një gruaje iu këput krahu nga një krokodil. Pavarësisht kësaj, ajo nuk hoqi dorë prej atij momenti të gëzuar në jetë.
Zanele Ndlovu nga Zimbabwe u martua në spital. Ish-tenistja është kafshuar nga një krokodil ndërsa bënte rafting në lumin Zambezi me bashkëshortin e saj. Kur pa krahun e shqyer të 25 vjeçares Jamie Fox u tmerrua. Krokodili i këputi asaj krahun dhe e kafshoi në dorën e majtë.
“Gjatë sulmit krokodili e kapi krahun dhe e shqeu, ndërsa partneri i saj bëri përpjekje të furishme për ta shpëtuar atë. Ata janë me fat që janë të gjallë,”-thanë dëshmitarët.
Gruaja e gjymtuar nuk heq dorë nga dasma. Krokodili i këputi krahun…
Përkundër lëndimeve të tmerrshme, Ndlovu ishte e vendosur të mos humbiste ditën e dasmës dhe çifti përfundoi duke mbajtur ceremoninë e tyre në spital.
Fotot nga ceremonia tregojnë nusen me fustanin e bardhë ndërsa bie në sy krahu i saj i lidhur me fasho, ndërsa në dorën e majtë mban trëndafila.
Gjatë ceremonisë të pranishëm ishin miqtë e të afërmit e tyre.
“Kjo është një histori shumë e bukur dashurie dhe vërtet e tregon dashurinë e tyre për njëri-tjetrin. Sulmi nga krokodil nuk bëri asnjë ndryshim. Ndjenjat e tyre dhe dashuria për njëri-tjetrin janë edhe më të forta se më parë,”-thanë miqtë e tyre.
Për lajm-shqip:
Klajdi Thaçi
08.05.2018