Greqi: vrasja e studentes 21 vjeçare, ndryshon pista! Greqi – Autoritetet greke vazhdojnë hetimet. Ndaj Aleksandër Lucës dhe shokut të tij Manolis Koukouras. Lidhur me ngjarjen e rëndë në ishullin Rodos, ku studentja 21-vjeçare Eleni Topaloudi u vra tragjikisht.
Greqi: vrasja e studentes 21 vjeçare, ndryshon pista!..
Dy ditë më parë. Laboratori i mjekësisë ligjore të policisë greke konfirmoi. Në hekurin me të cilin dyshohet se është qëlluar në kokë studentja, u gjetën gjurmë gishtash të 20-vjeçarit shqiptar. Mirëpo, hetimet duket se po marrin një rrjedhë tjetër. Shtypi grek raporton.
Pavarësisht faktit se janë gjetur shenja të gishtave të Aleksandër Lucës. Kjo nuk do të thotë medoemos se ka qenë ai personi që ka qëlluar studenten. Analizat laboratorike nuk kanë përfunduar plotësisht. Pasi hekuri ishte hedhur në det dhe për shkak të qëndrimit të zgjatur në ujë ekziston mundësia që të mos gjenden të gjitha shenjat e gishtave.
Dy të rinjtë kanë pranuar përfshirjen në krim, por akuzojnë njëri-tjetrin si personin që goditi me hekur në kokë Elenin. Ndërkohë, nëna e 21-vjeçarit grek Manolis Koukouras, ka thënë. Djali i saj ka qenë i varur nga substancat narkotike dhe është në fazë rehabilitimi.
Ky pohim ka shtuar dyshimet e hetuesve ndaj shokut të shqiptarit. Besojnë se i riu mund të ketë vepruar nën kushte të rënduara psikologjike. Për shkak të problemeve nga varësia e drogës. 21-vjeçari Manolis Koukouras nuk ka përfunduar as shërbimin e detyrueshëm ushtarak, raportojnë mediat greke.
Nga ana tjetër, shqiptari Aleksandër Luca është transferuar në burgun e Grevenas. Qëndron në qeli me bashkëpunëtorin e tij Manolis Koukouras, pasi dhunua në paraburgimin e Avlonës. Sipas shtypit helen, kjo mund të jetë një manovër e hetuesve për të parë sjelljen e dy të pandehurve me njëri-tjetrin në rrethanat kur ende nuk është zbuluar cili nga të dy ka qenë personi që goditi me hekur në kokë 21-vjeçaren dhe kush mori vendimin për ta hedhur trupin e saj në det.
Vladimir Muçaj
15.12.2018
