Greqi: Rikthehet sistemi i regjistrimit të lejeve të emigrantëve.
Ministria greke e Emigracionit bëri të ditur se është vënë në funksion sistemi kompjuterik i regjistrimit të lejeve për emigrantët.
Shërbimet ndaj emigrantëve në gjithë Greqinë ishin paralizuar për shkak të një defekti në sistem qysh prej mesit të janarit.
Rifuksionimi i sistemit krijon mundësi për të vijuar aplikimet për procedurat e paisjes me lejeqëndrimet e reja të emigrantëve shqiptarë.
Bllokimi i sistemit imponoi qeverinë greke të shtyjë për një periudhë pesë mujore paisjen me lejeqëndrime të emigrantëve.
Emigrantët që nuk do të mundnin të ripërtërinin lejet e qëndrimit rrezikonin statusin e qëndrimit në Greqi.
Greqi: Rikthehet sistemi i regjistrimit të lejeve të emigrantëve
Ndërkohë që vendimi nga ana tjetër nuk lejonte emigrantë me leje të tejkaluar që të udhëtonin jashtë Greqisë.
Greqia ka numrin më të madh të emigrantëve shqiptarë që punojnë e jetojnë prej afro dy dekadash në këtë vend.
Sipas të dhënave të Ministrisë së Brendshme greke, numri i emigrantëve të ligjshëm në këtë vend është rreth 580.000 persona.
Ndërkohë që i emigrantëve shqiptarë përbën 69 % të emigrantëve të ligjshëm në Greqi, që llogaritet të jenë rreth 400 mijë emigrantë.
Engjëll Serjani
26.02.2018