Dy Qentë e racës ‘Pastor’, të policisë greke, rastësisht, zbulojnë drogën e grupit të shqiptaro-grek. Kjo bandë, drejtohej nga një 35-vjeçar shqiptar me pseudonimin i ‘shqitrari i tmerrshëm.
Qentë e racës ‘Pastor’…zbulojnë drogën dhe paratë, e shqiptarit të ‘tmerrshëm’
Aktiviteti i këtij ‘Grupi kriminal’, fokusohej kryesisht në trafikimin e lëndëve narkotike. Por dhe me kryerjen e vjedhjeve e grabitjeve.
Oficerët e policisë përdorën gjatë operacionit dy qen të zbulimit të drogës. Mësohet se fillimisht në pranga ka rënë lideri i bandës, një 35-vjeçar shqiptar. Dhe më pas u zbuluan dhe anëtarët e tjerë të grupit. Ata ishin katër grekë të moshave, 42, 39, 34 dhe 23 vjeç. Si dhe tre shqiptarë të moshës 24, 29 dhe 35 vjeç.
Ndërsa janë në kërkim dhe dy shqiptarë të tjerë të moshës 63 dhe 24 vjeç, të gjithë pjesëtarë të grupit. Aktivitetin, grupi e kishte filluar, që prej shtatorit të vitit të kaluar.
Sipas gazetës greke “Protothema”, banda kishte trafikuar kokainë me vlerë mbi 19 mijë euro. Zona ku vepronte grupi ishin, Halkida, Eritrea dhe Artaki. Por dhe në rajonin e Evias.
Por, përveç trafikut të drogës, grupi kryente dhe vjedhje. Deri më tani janë skanuar 15 vjedhje, ku keqbërësit kanë përvetësuar sende me vlerë me mbi 500 mijë euro.
Nga Policia greke bëhet e ditur se të arrestuarit do të përballen me akuza për grabitje, pastrimit të parave nga aktivitet kriminal etj.
Të arrestuarit, përballen me akuza si trafik droge, grabitje, pastrim parash dhe aktivitet kriminal
Ndërkohë, pas kontrolleve të ushtruara nëpër banesat e të arrestuarve, janë sekuestruar: Makina të vjedhura, pajisje të ndryshme, bizhuteri dhe para në shumën 104 595 euro. Si dhe karta bankare, çeqe, shënime të ndryshme të shqyrtuara si dhe dy makina kamionë. Po ashtu, gjatë operacionit Policia ka gjetur dhe sekuestruar në banesa dhe lëndë narkotike.
Përkatësisht janë sekuestruar një sasi prej 324 gram kokainë, 11 kg kanabis të papërpunuar, 11 pilula drogë, peshore, dhe dy armë.
Policia bën të ditur se të arrestuarit vepronin të ndarë në dy nëngrupe. Ku një palë merrej kryesisht me trafikimin e drogës dhe pala tjetër me vjedhje. Në total, bashkë me personat e arrestuar, Policia ka ngritur akuza për 52 persona të përfshirë në trafikun e drogës dhe 11 të tjerë për vjedhje apo që kanë pranuar sende të vjedhura.
Sipas Policisë greke, grupi kriminal është aktiv që prej shtatorit të vitit të kaluar. Hetuesit ranë në gjurmët e grupit në verën e vitit të kaluar dhe hetimet çuan në kapjen e pjesëtarëve të tij.
Mes të arrestuarve janë dhe dy persona, të cilët nuk kryenin vjedhje apo trafik droge, por banesat dhe bizneset e tyre shërbenin si magazina për sendet e vjedhura nga grupi dhe në këmbim merrnin një përqindje nga 5 deri në 10 të vlerës së sendeve. Policia deri tani ka arritur të dokumentojë 15 vjedhje.
Për lajm-shqip:
Leonard Xhelili
