Gramsh, makina ‘Fuoristradë’ tërheq shkëmbinjtë nga rruga.
Disa banorë në Gramsh i kanë thirrur “nevojës” për të pastruar rrugën e fshatit. Makina “Fuoristradë” tërheq shkëmbinjtë nga rruga.
Ngjarja ka ndodhur në fshatin Rovje, të kësaj Bashkie. Nuk mjaftoi rënia e borës, që izoloi komplet zonën. Ditët e fundit, nga moti i keq dhe shirat e shumtë, masive të mëdha shkëmbinjsh, kanë mbuluar gjithë rrugën. Banorët kanë kërkuar ndihmë në të gjitha instuticionet, por nuk kanë marrë përgjigje. Masivet e dherave kanë qenë të mëdha për shkak të reshjeve të shumta të shiut.
Asnjë ndihmë nuk u është ofruar atyre. Kështu që banorët kanë vënë vetë dorën në zhbllokimin e saj. Por paradoksi është te një fakt tjetër. Për zhbllokimin e rrugës, ata përdorin një makinë “Fouristradë”. Pas saj lidhin gurët e mëdhenj dhe i tërheqin. Ky është mjeti i vetëm në këtë fshat dhe vetëm me krahët e tyre. Kësisoj, ata janë duke bërë të mundur zhbllokimin e rrugës. Shumë vuajtje e sakrifica vetëm për t’u mbijetuar kushteve dhe vështirësive që ata kanë. Banorët e zonës së Rovje-s kanë katër ditë, që merren ditë e natë pa pushim për zhbllokimin e saj. Ky është fati, që ata po përballen në këto ditë të ftohta.
Për Lajm-Shqip
Alfrida Danushi
