Grabitja në teatrin “Skampa” në Elbasan, arrestohet roja

Grabitja në teatrin “Skampa” në Elbasan, arrestohet roja

Grabitja në teatrin “Skampa” në Elbasan, arrestohet në flagrancë roja i shërbimit, për neglizhencë në kryerjen e detyrës.

Persona të paidentifikuar kanë tentuar të vjedhin me thyerje zyrat e katit të dytë në Teatrin “Skampa”. Por, nuk kanë arritur të marrin asgjë nga institucioni.

Nga veprimet  e para hetimore dhe bazuar në deklaratën e financieres  së këtij institucioni rezulton se janë vjedhur rreth 4500 Euro në kasafortën e  zyrës së financieres së këtij institucioni.

Dhe se kjo shumë parash ishte e saj personale, të cilat i kishte lënë për ruajtje në zyrën e saj.

Vijojnë hetimet për identifikimin dhe kapjen e autorëve.

Në vijim të veprimeve hetimore, specialistët për Krimet, në Komisariatin e Policisë Elbasan, bënë arrestimin në flagrancë të  shtetasit:

Sokrat Thano, 48 vjeç banues në Elbasan.

Arrestimi i tij, u bë pasi shtetasi i lartpërmendur është i punësuar pranë një firme private.

Ai ka qenë i planizuar me shërbim roje objekti pranë Teatrit “Skampa”.

Dyshohet të mos i ketë përmbushur detyrat e tij funksionale duke neglizhuar në kryerjen e kësaj detyre.

Materialet i kaluan Prokurorisë së Rrethit Gjyqësor Elbasan për veprime të mëtejshme.

Thano akuzohet për veprën penale “Shpërdorimi i detyrës”  dhe “Vjedhja e mbetur në tentativë”.