Policia në Shkodër ka goditur një grup të strukturuar kriminal ku ka arrestuar 6 persona dhe ka shpallur në kërkim dy të tjerë. Sot në datën 16.06.2018, në orët e para të mëngjesit u realizua dhe u finalizua me sukses operacioni i koduar “West Univers”, ku në bashkëpunim me Drejtorinë e Forcës Operacionale Speciale Tiranë dhe Prokurorinë e Rrethit Gjyqësor Shkodër, pas një pune të mirëorganizuar u bë e mundur goditja e një grupi kriminal me rrezikshmëri të lartë.
U arrestuan shtetasit:
Ardit Haxhagiqi, 34 vjeç banues ne Shkodër, i arrestuar në flagrancë për: “Prodhim dhe shitje të lëndëve narkotike.
Fatbardh Gostini, 37 vjeç, banues në Lezhë, i arrestuar në flagrancë për: “Prodhim dhe shitje të lëndëve narkotike”.
Neritan Saraçi, 51 vjeç, banues në Shkodër, i arrestuar në flagrancë, për: “Prodhim dhe shitje të lëndëve narkotike” në bashkëpunim, parashikuar nga nenet 283/2, i Kodit Penal.
Goditet grupi kriminal në Shkodër, arrestohen 6 persona, 2 në kërkim
Rezart Çaçani, 34 vjeç, banues në Shkodër, i arrestuar në flagrancë për: “Prodhim dhe shitje të lëndëve narkotike” në bashkëpunim.
Vilson Noka (Nokaj), 26 vjeç, i arrestuar në flagrancë me akuzën: “Prodhim dhe shitje të lëndëve narkotike” në bashkëpunim, parashikuar nga nenet 283/2, i Kodit Penal, dhe “prodhim dhe mbajtje pa leje i armëve të zjarrit” parashikuar nga neni 278 KoditPenal. Nokës iu gjet një pistoletë TT, njëkohësisht është dhe person në kërkim. Ky i fundit i dënuar me 9 vite burgim, për veprat penale “Vrasje e mbetur në tentativë dhe “Armëmbajtjes pa leje”, parashikuar nga nenet 76, 22, 278.
Ramadan Dushaj, 61 vjeç, lindur dhe banues në Shkodër, i arrestuar në flagrancë për: “Prodhim dhe shitje të lëndëve narkotike”.
Si dhe u shpallën në kërkim shtetasit:
F.M. 30 vjec i shpallur në kërkim për veprën penale për “Prodhim dhe shitje lëndëve narkotike”, “prodhim dhe mbajtje pa leje i armëve të zjarrit”, parashikuar nga nenet 283/2 dhe 287 i Kodit Penal, ndërsa ka qenë person me precedent penal dhe i arrestuar më parë për veprat penale “Kanosje”, “pengim apo dhunim ndaj pjesëmarrësve në zgjedhje”, “Prishje e rendit dhe qetësisë publike”, Plagosje e lehtë me dashje”.
S.N. 20 vjec, i shpallur në kërkim për veprën penale “Prodhim dhe shitje të lëndëve narkotike”, “prodhim dhe mbajtje pa leje i armëve të zjarrit” parashikuar nga nenet 283/2 dhe 287 i Kodit Penal.
Goditet grupi kriminal në Shkodër, arrestohen 6 persona, 2 në kërkim
Arrestimi i tyre u bë, pasi nga tërësia e veprimeve policore dhe hetimore të kryera prej një periudhë kohore disa mujore në funksion dhe të procedimit penal, u arrit që të bëhet goditja finale e këtij grupi kriminal dhe dokumentimi i aktivitetit të tyre.
Nga veprimet që u kryen në datë 15.06.20018 dhe 16.06.2018, rezultoi se në aksin rrugor Shkodër – Lezhë – Milot këta persona do të kryenin shkëmbimin e sasisë së lëndës narkotike, dhe menjëherë u ndërhy nga punonjësit e policisë ku në momentin e shkëmbimit të lëndës narkotike personat e arrestuar kanë goditur me automjete punonjësit e policisë duke vënë në rrezik jetën e tyre.
Në këtë grup kriminal të gjithë personat kanë patur rolin e tyre ku këta persona në një kohë të shkurtër kanë arritur të sigurojnë lëndën narkotike me qëllim shitjen dhe trafikimin e saj.
Gjatë zhvillimit të operacionit këtyre personave u janë sekuestruar:
200 kg lëndë narkotike e dyshuar si ajo e kanabis sativa.
2 pistoleta, tip TT,
1 kuti me 20 fishekë pistolete.
1 automjet i markës Benz Mercdes
1 automjet i markës BMW
7 Telefona celular të markave të ndryshëm.
Dokumenta të ndryshëm të personave.
1 radiomarrëse si ato të policisë.
Një sasi lekësh.
Materialet do i kalojnë Prokurorisë së Rrethit Gjyqësor Shkodër për veprime të mëtejshme.
Për lajm-shqip:
Jorida Fataj
16.06.2018
