Gjyqtarja që burgosi Fatos Nanon kalon vetingun, ja kush është Vitore…
Gjyqtarja e Gjykatës Kushtetuese Vitore Tusha është cilësuar si figurë e pastër në vendimin e marrë këtë mëngjes prej Komisionit të Pavarur të Kualifikimeve.
Trupa gjyqësore e Komisionit të Pavarur të Kualifikimit ka përmendur raportin e inspektoriatit të pasurive. Pasuritë e Gjyqtares Vitore Tusha rezultojnë të justifikuara.
Gjyqtarja kushtetuese ka deklaruar pasuritë e saj që janë: Një banesë në Tiranë, 500 metra tokë në Farkë dhe një shtëpi në Gjirin e Lalëzit.
Për këtë të fundit ende nuk e ka shlyer një këst.
Edhe sa i takon komponentit të dytë të Vettingut, DSIK ka treguar se gjyqtarja Vitore Tusha ka figurë të pastër dhe pa lidhje të dyshimta.
Në të njëjtin konkluzion kanë dalë edhe sa i takon aftësive profesionale të gjyqtares Tusha pas kontrollit që i është bërë dosjeve gjyqësore.
Gjyqtarja që burgosi Fatos Nanon kalon vetingun, ja kush është Vitore Tusha…
Gjyqtarja u testua nga KPK dhe vëzhguesi ONM Teo Jacobs edhe sa i takon aftësive profesionale. Ajo dha një provim verbal për dy parime të rëndësishme siç janë:
Barazia para ligjit dhe kufizimi i lirisë.
Parashikohet se Tusha do të jetë e para gjyqtare që do t’i vendoset vula pozitive, e përshtatshme që të mund të jetë gjyqtare.
Vitore Tusha mban gradën “Doktore shkencash”, anëtare e Gjykatës Kushtetuese që prej vitit 2008, gjithashtu anëtare e Këshillit të Emërimeve në Drejtësi.
Tusha është nga ata gjyqtare që kanë shpallur si jo kushtetuese çështje me ndjeshmëri të lartë publike sikurse marrëveshja e detit, apo ligji i lustracionit.
Çështja më e bujshme e shqyrtuar prej saj është regjistruar gjatë kohës që mbante detyrën e gjyqtares së Kasacionit. Këtë detyrë e ka mbajtur nga viti 1994 deri më 2001.
Në nëntor 1995 , Tusha rrëzoi kërkesën e ish-Kryeministrit Fatos Nano. Ai kishte kërkuar lirim të parakohshëm nga burgu pasi ishte dënuar me 12 vite heqje lirie.
Për shkak të ndryshimeve të atëhershme në kodin penal, Nano e la gjithsesi burgun, duke e ricilësuar veprën për të cilën ai ishte shpallur fajtor.
Kështu u ul edhe parashikimi i dënimit.
Për lajm-shqip:
Klajdi Thaçi
05.04.2018
