Gjirokastra tatëpjetë – s’ka nevojë për biçikletë, kështu vargëzonte dikur bejtexhiu gjirokastrit Bame Koçiu. Por në fakt duhet të jetë aksident me biçikletë. Udhëtimi në kalldrëmet e pjerrta është i rrezikshëm jo vetëm për çiklistin, por edhe për kalimtarët.
Profecia e bejtexhiut se Gjirokastra është tatëpjetë u vërtetua nga një aksident i pazakontë që ka ndodhur në mëhallën “Blloku i Furrave” në Gjirokastër.
Burime të të policisë bënë të ditur se 16-vjeçari A.M, ka aksidentuar shtetasin F.M, 42 vjeç, banues në Gjirokastër.
Viktima e këtij aksidenti u përcoll me urgjencë dhe ndodhet në spital në gjendje të rëndë për jetën.
Policia ka referuar në Prokurorinë e Rrethit Gjyqësor Gjirokastër materialet në ngarkim të çiklistit të mitur.
Dosja me hetimet paraprake të policisë i është përciellë prokurorisë për hetime të mëtejshme.
Për Lajm-Shqip
Engjëll Serjani
