Studentët e Histori-Gjeografisë të Fakultetit të Shkencave Natyrore në Universiteti në Gjirokastër kanë zhvilluar një leksion të pazakontë.
Leksionin e radhës në lëndën e “Gjeografisë Fizike” ata e zhvilluan në disa vende të aksidentuar nga shkarjet e dherave.
Studentët e shkencave natyrore bëjnë leksion mbi rrënoja në Gjirokastër
Një gjetje orgjinale për të parë fenomenet atyrore aty ku ajo ka ndëshkuar njeriun për shpërfilljen e ligjeve të saj.
Pedagogu i kësaj disipline, Prof. dr. Niko Rogo e zhvendosi auditorin në terren në zonën e dëmtuar të Kodrës e Shtufit.
Grupi i studentëve zhvillon mësimin në vendin ku shëmbja e dherave dëmtoi një rrugë dhe një pallat të banuar.
Muajt e fundit në disa lagje të Gjirokastër ka patur rrëshqitje masive të dherave shumë pranë objekteve të banuara.
Profesor Niko Rogo u tha studentëve se:
Ndërtime të tilla në terrene fleshore janë mjaft problematike nëse ato nuk shoqërohen me studime dhe masa mbështetëse inxhinjerike.
Qëllimi i këtij leksioni të hapur nuk është vetëm mësimi për studentët, por edhe sensibulizimi i qytetarëve dhe strukturave ligjzbatuese.
Apartamentet e një pallati 8-katësh u pushtuan në 3-4 katet e poshtme nga dherat e kodrës, ndërkohë që banorët janë evakuar përkohësisht.
Në disa zona problematike ende ka rreziqe rrëshqitjesh banesash ndërsa dëmet dhe paniku i banorëve janë të mëdha.
Ndërkohë edhe vërshimi i ujrave dhe përmbytjet kanë përfshinë infrastrukturën rrugore në qytet dhe në njësitë administrative në fshat.
Leksioni në terren të hapur ka vlera të jashtëzakonshme për studentët pasi fenomenet e dëmshme natyrore janë konkrete.
Bashkia e Gjirokastrës i kërkoi qeverisë të shpallë gjendjen e pjesshme të emergjencës, por deri tani nuk ka ende nje reagim nga autoritetet qëndrore.
Për lajm-shqip
Engjëll Serjani
