Gjirokastër, 29 janar 2018/ Për herë të parë policia e Gjirokastrës publikon prezencë të dozave të heroinës në rrjetin e trafikimit brenda qytetit.
Të ngjashme mund të lexoni:
Gjatë një operacioni policie është vërtetuar me prova se në Gjirokastër ka jo vetëm trafikim, por edhe përdorues të heroinës.
Gjirokastër: Për herë të parë vërtetohet konsum heroine.
Policia vendore Gjirokastër ka arrestuar në qendër të lagjes “18- Shtatori” një person të cilit ju gjetën 4 doza me heroinë dhe 940 fara Cannabis Sativa.
Gjatë kontrollit fizik të ushtruar nga shërbimet e policisë shtetasit Ahmet Lani iu gjetën dhe sekuestrua në cilësinë e provës materiale 4 doza me heroinë.
Ndërsa gjatë kontrollit në banesën e tij u gjet dhe u sekuestrua edhe një dozë tjetër me heroinë dhe dy qese me 940 fara Cannabis Sativa.
Specialistët e seksionit antidrogë në përfundim të veprimeve hetimore arrestuan në flagrancë shtetasin Ahmet Lani, 37 vjeç, banues në Gjirokastër.
Gjithashtu, nga prezenca e farave të drogës vërtetohet se edhe kultivuesit nuk kanë ndërmend të ndërpresin mbjelljen e Cannabis Sativa-s.
Materialet i kaluan Prokurorisë së Rrethit Gjyqësor Gjirokastër për veprime të mëtejshme për veprën penale “Prodhimi dhe shitja e narkotikëve”.
Akuza e paraqitur parashikohet në nenin 283/1 të Kodit Penal.
Engjëll Serjani
29.01.2018
