Ditën e sotme Ministri i Infrastrukturës dhe Energjisë Damian Gjiknuri, ka diskutuar në parlament lidhur më tarifën që do t’i vendoset rrugës së Kombit.

Gjiknuri ka pranuar se tarifat janë të larta, por për momentin nuk ka një zgjidhje tjetër për të mirëmbajtur rrugën.

Sa i takon automjeteve që e kalojnë shpesh këtë rrugë ata do të pajisen me një abone me çmim të reduktuar.

Gjiknuri: Turistët që vinë e paguajnë 1000 euro për pushime, të paguajnë edhe 5 euro për rrugën

Për turistët nga Kosova që vijnë drejt Shqipërisë për pushime Gjiknuri u shpreh se ato nuk e kanë problem të paguajnë 5 euro më tepër, kur paguajnë edhe 1000 euro për pushimet e tyre.

Ja si u shpreh Gjiknuri për këtë çështje:

“Një njeri që vjen të shpenzoj 1 mijë euro për pushime, nuk. do ti kushtojë gjë 5 euro për taksën. A ka taksë më të çuditshme se vutë ju? Ju skanonit çdo lloj malli. Edhe energjinë elektrike, dhe për të skanoni mallin, 22 euro për çdo faturë. Dhe u merakoskan për paratë që do merren për këtë rrugë. Këto argumente flasin vet.

Rrugët janë të rëndësishme dhe mirëmbajtja e tyre është barrë e qeverisë. Pastaj nuk do paguajnë ata qytetarë që nuk kanë mjete. Për ata mjete që udhëtojnë shpesh do të ketë një abone me çmim të reduktuar, psh për një periudhë 6 mujore. Në tre vitet e para janë parashikuar pagesa në favor të shtetit”.

Prej ditës së djeshme ka nisur aplikimi i pagesës në Rrugën e Kombit.

Pagesat variojnë nga motorët, 2.5 euro deri tek kamionët, 22 euro.

Ditën e djeshme drejtuesit e disa kamionëve që vinin nga Kosova kanë protestuar.

Ata janë shprehur se do t’i ndërpresin marrëdhëniet e biznesit me Shqipërinë.

Për lajm-shqip:

Klajdi Thaçi

29.03.2018