Kemi tradita për Vit të Ri, por kemi edhe tradita pas Vitit të Ri. Janë ato gjërat e zakonshme që ndodhin në çdo familje, edhe pse nuk përmenden. Pas darkës të mbingarkuar që shtron çdo familj në natën e ndërrimit të viteve, vjen ajo dita ”e përgjumur”. Dita e mbetjeve të vitit do e quanin shumë njerëz. Po po! E tillë mund të quhet tamam, pasi është dita që kalon e gjitha duke u marrë me atë çka ka mbetur pas natës së madhe.
Disa nga gjërat që përsëriten çdo vit në datën 1 Janar:
1.Zgjimi pas orës 11.
2.Kujtohemi që duhet të kishim blerë një bukë më tepër.
3.Fillojmë shajmë të gjitha dyqanet përse nuk janë hapur.
4.Pyesim kë të mundemi se kur hapen dyqanet që po shanim.
5.Komentojmë urimet: Kush na uroi, çfarë urimi bëri, etj.
6.Normalisht flasim për atë kushuririn e 15 i cili nuk u kujtua këtë vit dhe sesa e padenjë ishte veshja e kushurirës tjetër në natën e ndërrimit të viteve.
7.Mburremi me dhuratat, ose strukemi në qoshen tonë pa dhurata dhe as urime. (për të gjithë ata që janë anti-socialë).
8.Fillojmë të ngacmojmë nga pak ushqimet që kanë mbetur në tavolinë. (Në fakt shtyjmë 3 ditë me ato ushqime)
9.Sigurisht, bëjmë premtime abstrakte të cilat jemi të ndërgjegjshëm që nuk do i mbajmë as këtë vit. (do dobësohem, do le duhanin, do punoj më tepër, sdo bëj thashetheme etj etj).
10.Batutat tipike: Kemi një vit pa u parë!
01.01.2018
