Mendohet se gjithç’ka ka nisur një serial vrasjesh që tronditën kohë më parë Vlorën. Si nisën krimet që shkuan deri në ekzekutimin e komisar Artan Cukut. Gjendet porositësi i ekzekutimit të komisar Artan Cukut…!
Gjendet porositësi i ekzekutimit të komisar Artan Cukut…!
Gjithsesi, thuhet se nëse do të mësosh diçka për atë që ndodh realisht në Shqipëri, duhet të shohësh komentet në mediat sociale. Prej kohësh, që pas vrasjes së komisar Artan Cukut, kishte spekulime në rrjet se ajo është porositur nga Bledar Jambelli. Ndërsa mediat shkruanin se Artan Cuku kishte kiste hapur një prej dosjeve më të nxehta…jo vetëm në Vlorë, por në Shqipëri.
Gjithçka nis mbrëmjen e 28 majit 1997, kur 24 persona u masakruan në një vend të quajtur Bilardoja e Demos. Mes viktimave kishte fierakë, tepelenas, beratas, shkodranë, por edhe vëllezërit Muka.
Ngjarja e rëndë e regjistruar në Levan, pasoi me një kalvar ekzekutimesh mes fiseve Muka, Rama dhe Zanaj. Ndërsa kulmi i tyre arriti më 11 nëntor 2006, kur vritet oficerja e Marinës, Leonora Rama, nëna e Sokol Ramës. Nuk kaloi shumë kohë, dhe në Vlorë u vranë tre persona të tjerë. Thuhet se ekzekutimet ishin kryer nga Bledar Jambelli me porosi nga Sokol Rama. Gjithsesi Jambelli doli nga paraburgimi për mungesë provash. Por seria e vrasjeve vazhdoi dhe në vitin 2012, kur në Vlorë vritet Amarildo Delaj. Menjëherë pas kësaj vrasje, komisar Artan Cuku arrestoi Jambellin, nga Mbrostari i Fierit. Por Jambelli u lirua sërish për mungesë provash, ndërsa mësohet se nuk ia fali kurrë këtë gjë komisarit, duke porositur vrasjen e tij. Jambelli kontraktoi Mikel Shallarin për të kryer ekzekutimin. Ndërsa mediat spekulojnë se Shallari kishte një bashkëpunëtor. Megjithatë së fundmi është thënë se Shallari ka vendosur që të flasë për drejtësinë si ‘i penduar’.
E cila ka shpallur në kërkim qytetarin nga qarku i Fierit.
Për lajm-shqip:
Leonard Xhelili
24.04.2018
