Gjendet pas katër ditësh trupi i pajetë i një personi, i cili dyshohet se i dha fund jetës në gjendje të rënduar psikologjike.
Gjendet i pajetë pas katër ditësh në lumë
Efektivët e policisë së Tropojës në bashkëpunim me familjarët dhe banorët e zonës, në vijim kërkimeve për gjetjen e Gentian Zallit, paraditen e sotme kanë gjetur trupin e pajetë.
Kufoma e 35-vjeçarit banues në Bajram Curri, u gjet në shtratin e lumit Valbonë.
Në vendin e quajtur Quku i Dunishes, rreth 2 kilometër larg vendit të ngjarjes.
Në ndihmë të policisë për nxjerrjen e trupit të viktimës, kanë ardhur në ndihmë dhe shërbimet e zjarrfikëses së qytetit.
Kjo për shkak të thellësisë dhe prurjeve të mëdha të lumit.
Trupi i pajetë, po transportohet në spitalin e Tropojës, për të kryer ekspertizën mjeko-ligjore.
Policia tha zyrtarisht ditën e ngjarjes, më 16 dhjetor, se Zalli në Valbonë, duke qenë punëtor në një firmë për mirëmbajtjen e rrugës, gjatë kohës së pushimit të drekës, është larguar për të mbushur ujë të pijshëm tek burimi në afërsi të lumit të Valbonës, dhe nuk është kthyer më.
Por nga hetimet e kryera dyshohet se ai mund të jetë hedhur në lumë.
Dhe shkak për këtë vendim fatal të të riut është bërë djegia e shtëpisë që i ndodhi pak muaj më parë.
I gjendur në gjendje të rënduar psikologjike dhe pa të ardhura, ai ka vendosur t’i japë fund jetës.
19.12.2017
