Ngjarje groteske në një lagje perfierike të qytetit të Gramshit, gërmon tokën për patate dhe gjen fishekë e automatikë kallashnikovë.

Një fermer, ka qenë duke pluguar tokën e tij, me shpresë se do të gjente patate, që nuk i kishte shkulur në verë.

Në vend të kokrrave të patateve, kazma i ka ngezur në një copë hekuri të fortë.

Nuk është çuditur, kur i ka parë ç’ishin. Në vendin e gërmimit hapi një gropë dhe prej andej ka nxjerrë armë të groposura.

Sipas burimeve koofidenciale, mësohet se 62 vjeçari, B.K. ka bërë menjëherë kallëzim në policinë lokale.

Sipas specialistëve të policisë, është mësuar se janë gjetur tre kallashnikovë, si dhe disa krëhëra me fishekë për këtë lloj automatiku.

Për fat, jeta e 62 vjeçarit, nuk është cënuar. Me rrezikshmëri për të, mund të ishin fishekët, që mund të plasnin nga goditjet e kazmës.

Ende nuk është gjetur autori i fshehjes së këtyre armatimeve.

Ka të ngjarë, që ato të jenë groposur që nga viti i “luftës pa armiq”, 1997.

Ky veprim është kryer ose për qëllime përfitimi, ose  nga mania e marrëzisë, për të patur armë në shtëpi.

Kjo, mund të mos jetë ngjarja e fundit e këtij lloji në këtë qytet.

Është vendi ku janë prodhuar e magazinuar me mijra arma automatike të tipit “kallashnikov”.

Ish-Uzina ushtarake e Çekinit, ka qenë e destinuar t’i prodhjojë këto armë në linjë të rregullt në uzinë.

Hapja e depove, bëri që qindra të tilla, ose të mbaheshin në banesa fshehurazi, ose të groposeshin, siç u gjet dhe rasti në fjalë.

Për lajm-shqip 

Alfrida Danushi

22.01.2018