Arkady Babçenko, gazetari rus, i cili u raportua se ishte qëlluar për vdekje në Kiev, është shfaqur i gjallë në një konferencë shtypi në Ukrainë. Vasily Gritsak, kreu i shërbimit të sigurimit ukrainas, u tha gazetarëve se agjencia kishte falsifikuar vdekjen e Babchenko për të kapur njerëzit që po përpiqeshin ta vrisnin. Të martën, policia ukrainase kishte thënë se Babchenko, një kritik i Kremlinit dhe korrespondent veteran i luftës ruse, u qëllua tri herë në shpinë ndërkohë që dilte nga banesa e tij për të blerë bukë.
Një zyrtar qeveritar i tha medias se Babchenko, 41 vjeç, kishte vdekur në ambulancë në spital, shkruan The Guardian.
Gazetari rus flet pas “vdekjes”, i kërkon falje gruas, miqve dhe …
Gazetari rus Arkady Babchenko, i raportuar gjerësisht se është vrarë në Kiev të martën, është gjallë dhe shëndoshë e mirë.
Babchenko u shfaq në një konferencë shtypi në televizionin ukrainas në mesditë. Ndërsa kreu i shërbimeve të sigurisë të Ukrainës, Vasyl Hrytsak, tha në konferencën për shtyp se ‘vrasja’ ishte organizuar për të ekspozuar agjentët rusë.
Por sot ( E Mërkurë 30 Maj 2018), zyrtarët thanë se Babçenko e inskenoi vdekjen në koordinim me policinë ukrainase. Kjo si pjesë e një hetimi mbi kërcënimet e bëra kundër jetës së tij. Plani kishte qenë në vend për më shumë se një muaj. Policia tha se kishin bërë një arrestim në lidhje me operacionin.
Duke folur për gazetarët, Babchenko kërkoi falje, duke thënë: “Unë kam qenë i detyruar të shqetësoj miqtë dhe kolegët e mi shumë herë dhe e kuptoj ndjenjën e keqe”.
Me sa duket ai as nuk u kishte thënë anëtarëve të tij më të afërt të familjes për planin.
“Ndjesë e veçantë për gruan time, Olechka, nuk kisha asnjë mundësi tjetër”, tha Babchenko në një dhomë me gazetarë të habitur.
Babçenko u largua nga Rusia në vitin 2017, pasi mori kërcënime për një postim që ai bëri në mediat sociale. Një numër gazetarësh dhe disidentësh të tjerë janë vrarë në vitet e fundit në Kiev në vrasjet që mbeten të pazgjidhura.
Për lajm-shqip:
Jorida Fataj
30.05.2018
