Një sasi lëndë plasëse shpërtheu mbrëmjen e djeshme në banesën e Drejtorit të Pergjithshëm të Paraburgimit, Nazmi Demerxhiu. Ngjarja ndodhi në afërsi të fshatit Ahmetaj në Fushë Krujë.
Fushë Krujë: Shpërthim tritoli në banesën e Drejtorit të Paraburgimit…
Eksplozivi shpërtheu fare pranë banesës së tij. Ndërsa në kohën e shpërthimit e gjithë familja ka qenë në banesë. Gjithsesi por nuk raportohet për persona të lënduar, por vetëm për dëme materiale.
Menjëherë, grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes”. Megjithatë, në vitin 2010 Nazmi Demerxhiu ka qenë i dënuar me burg, me akuzën për shpërdorim detyre. Në këtë periudhë Demerxhiu ka qenë Drejtor në Burgun e Lezhës, kur është arratisur i burgosuri Admir Tafili. Tafili kishte përfituar nga leja disaorëshe që i ishte dhënë nga Drejtori i burgut të Shënkollit në Lezhë, Nazmi Demerxhiu. Gjithsesi, më pas, Nazmi Demerxhiu është shpallur i pafajshëm nga Prokuroria dhe është lënë i lirë. Ndërsa pak kohë më parë, Nazmi Demerxhiu u rikthye në detyrë, por kësaj radhe, si Drejtorit të Pergjithshëm të Paraburgimit.
Për Lajm-Shqip
Leonard Xhelili
