I ndodhur vetem 20km larg qytetit të Bilishtit. Fshati Kapshtice është braktisur nga të rinjtë , ndonëse është një fshat kufitar me shtetin grek. Papunesia dhe varfëria ka kapluar çdo banorë që jeton aty. Gjithçka në këtë fshat duket e shkretë, ku në çdo cep mbizotëron skamja.
Fshati Kapshticë braktiset nga të rinjtë, shkak mbetet….
Burra të cilët qëndrojnë në qëndër të fshatit me shpresën se dikush do të vijë ti thërrasë për punë. Nëse dikur shpresa e tyre ishte shteti grek, sot janë në mëshire të fatit. Ndoshta tensionet midis dy vendeve fqinje dhe shtrengimi i masave të rrepta nga pala greke ka bërë që banorët të turren në tokat e tyre bujqësore.
Ndonëse prodhimi është shumë i ulët. Në çdo cep të fshatit sheh vetëm moshën e tretë. Ata të cilët nuk e kanë braktisur këtë fshat. Ndërsa, moshat e reja kanë emigruar ku të munden për të siguruar të ardhurat.
Dikur fshati përbëhej nga 400 familje. Sot kanë mbetur shumë pak. Ndërsa shkak i vetëm mbetet varfëria e tejskajshme.
Tokat bujqësore janë burimi i vetëm i të ardhurave, edhe pse prodhimet në fund të vitit detyrohen ti hedhin në kanal. Ndërsa punesimi sezonal, dikur fryma e vetme e të ardhurave. Sot mbetet një shpresë e prerë në mes nga shteti grek.
Për Lajm-shqip
Ledjona Xheladinaj
