Tiranë: Aksident tragjik tek Komuna e Parisit, plagoset rëndë shoferja… Një aksident i rëndë, ka ndodhur ditën e djeshme në një nga zonat më të populluara të Tiranës, siç është ajo e Komunës së Parisit.
Tiranë: Aksident tragjik tek Komuna e Parisit, plagoset rëndë shoferja…
Ndërs njgarja e rëndë ka ndodhur në momentin kur një makinë ‘Touareg’, duke ecur me shumë shpejtësi ka përplasur 2 makina të tjera, që kanë qenë të parkuara. Por nuk mjaftoi me kaq, ‘Tuareg’-u, ka goditur dhe një makinë tjetër, që sapo po dilte nga parkingu. Ngjarja tragjike ka ndodhur në rrugën ‘Tish Daija’ në Komunën e Parisit. Ndërsa siç kanë bërë të ditur dëshmitarët okularë, fuoristrada ‘Touareg’, ishte me shpejtësi kur ka përplasur dy makina tip ‘Benz’ dhe një ‘Golf’. Mjeti tip ‘Golf’ i drejtuar nga një vajzë, ka qenë duke dalë nga parkingu kur është përplasur.
Drejtuesja e këtij mjeti është dërguar me urgjencë për në spitalin e Traumës. Ndërsa sipas të dhëna ka marrë disa plagë në trup e në kokë. Gjithsesi, Policia ka mbërritur menjëherë në vendin e ngjarjes dhe ka nisur hetimet, për zbardhjen e plotë të këtij aksidenti të frikshëm.
Për Lajm-shqip
Leonard Xhelili
