Parashikimi i motit për ditën e sotme dhe paraditja e nesërme do të jetë me diell, por më pas do të nisin reshjet që do të kulmojnë në datat 30 nëntor dhe ditët e para të dhjetorit.
Të ngjashme mund të lexoni:
Moti problematik në zonat malore, era kalon mbi 55 km/orë!
Parashikimi i motit, Europa do të përjetojë një dimër vdekjeprurës
Kështu thotë në parashikimin e motit, Instituti i Gjeoshkencave, Energjisë, Ujit dhe Mjedisit.
Situata e reshjeve:
Sot pasdite nuk priten reshje, ndërsa nesër e mërkurë, priten reshje në të gjithë territorin kryesisht pasdite dhe gjatë natës.
Si do të jenë temperaturat
Nesër temperaturat minimale dhe maksimale të ajrit pritet të arrijnë:
në bregdet: 3 °C / 12 °C
vendet e ulëta: -2 °C / 12 °C
në vendet malore: -6 °C / 6 °C.
Nga do të fryjë era
Sot pasdite dhe nesër pritet të fryjë mesatare në të gjithë territorin.
Parashikim për përmbytje
Përgjatë datave 30.11.2017 dhe 01 – 02.12.2017 priten reshje shumë intensive, pothuajse në të gjithë territorin, por edhe jashtë kufijve shtetërore në basenin e lumit Vjosa.
Reshjet maksimale sipas parashikimit të motit i kalojnë vlerat e 100 mm në 24 orë.
Nga llogaritjet PARAPRAKE këto reshje priten të sjellin përmbytje në lumenjtë e mëdhenj, përveç vërshimeve të lumenjve të vegjël dhe përmbytjeve urbane në varësi të gjendjes së kanalizimeve në qytetet kryesore (Tiranë, Lezhë, Durrës, Korçë, Berat, Vlorë, Fier dhe Gjirokastër). Qarqet më të rrezikuara janë Fieri dhe Vlora.
Ka mundësi të lartë për përmbytje në basenet e lumenjve Vjosa dhe Seman.
Gjithashtu edhe lumi Shkumbin mund të shfaqë përmbytje përgjatë fundit të ditës së Premte (dt. 01 Dhjetor 2017). Ky informacion është PARAPRAK nga IGJEUM, për arsye se llogaritjet po vazhdojnë dhe afati i këtij buletini është vetëm për 36 orët në vijim. Shenjat e alarmit nga përmbytjet do të vendosen sipas llogaritjeve në buletinin e ardhshëm.
Këto llogaritje rezulton se, nëse parashikimi i reshjeve del i saktë, në pjesët fushore të këtyre lumenjve ka mundësi përmbytje me pasoja të rënda nga përmbytjet. Ky informacion do të përditësohet në momentin e përfundimit të llogaritjeve. POR jo më vonë se 2 ditë para ndodhjes së përmbytjes, citon Syri.net.
Efektet e rëndësishme të përmbytjeve në pjesët fushore të qarqeve Vlorë dhe Fier do të ndodhin në pjesën e parë të ditës së Shtunë (dt. 02 Dhjetor 2017). Në pjesët e sipërme të këtyre baseneve në qarqet (Gjirokastër, Berat, Elbasan) përmbytjet mund të ndodhin përgjatë ditës së Premte (dt. 01 Dhjetor 2017).Për çdo ndryshim të parashikimeve IGJEUM do t’ju përditësojë.
