Njerëzit preferojnë disa pozicione të ndryshme për të fjetur. Më e zakonshmja është fjetja në anën e mjatë ose të djathtë, në shpinë ose edhe në pozicionin e fetusit.
Çdo pozitë e fjejtes ndikon në shëndetin tonë në mënyra të ndryshme, për të mirë ose për të keq.
Ndoshta nuk e dinit se gjumi në anën e majtë mund të jetë një burim i ri përfitimi për shëndetin tuaj. Kjo është arsyeja pse ne duhet të përpiqemi të flemë në anën e majtë. Sipas “Ayurveda”, ana e majtë e trupit është krejtësisht e ndryshme nga ana e djathtë dhe sa më parë që e krijojmë zakonin e gjumit në anën e majtë aq më të shpejta do të jenë efektet pozitive në shëndetin dhe jetëgjatësinë.
E fjetura në krahun e majtë sipas Ayurveda…
Në veçanti, sipas “Ayurveda”, mjekësia tradicionale indiane, duke fjetur në anën e majtë lehtëson qarkullimin limfatik, përmirëson qarkullimin e gjakut në zemër dhe favorizon eliminimin e toksinave, dhe inkurajon tretjen e duhur.
‘Ayurveda’ pretendon se eliminimi i toksinave ndodh më efektivisht duke përfshirë sistemin limfatik në anën e majtë të trupit. Sistemi limfatik është thelbësor për detoksifikimin e trupit tonë dhe gjumi në anën e majtë mund të ndihmojë me të vërtetë funksionimin e duhur të tij.
Përveç kësaj, duke fjetur dhe duke pushuar të shtrirë në anën e majtë do të ndihmonte një kalim më të mirë të mbetjeve të tretjes nëpër zorrë, veçanërisht drejt zorrës së trashë. Në mëngjes për trupin do të jetë shumë herë më e lehtë të kujdeset për procesin aktual të eliminimit.
Një organ shumë i rëndësishëm që ndoshta ne ndonjëherë e harrojmë gjendet pikërisht në anën e majtë të trupit. Është shpretka. Shpretka është pjesë e sistemit limfatik dhe ka detyrën e rëndësishme të filtrimit të gjakut. Puna e saj lehtësohet nga graviteti kur ne jemi të shtrirë në krahun e majtë.
Flini në anën e majtë apo të djathtë? Ja përfitimet që keni …
Po kur bëhet fjalë për tretjen? Përtej pushimit të vërtetë gjatë natës, “Ayurveda” sugjeron të qëndroni të shtrirë në anën e majtë për 10 minuta pas ngrënies për të ndihmuar trupin në mënyrën e duhur që të tretet ushqimi. Në këtë mënyrë, stomaku dhe pankreasi . do të ishin në pozicionin ideal për tretje.
Flini në anën e majtë edhe gjatë shtatzënisë
Përfitimet e pushimit në anën e majtë të trupit nuk janë vetëm për pikëpamjen e Ayurvedas. Fondacioni “Nemours”, për shembull, tregon se gjumi në krahun e majtë është shumë i dobishëm në shtatzëni. Në veçanti, gjumi në anën e majtë gjatë shtatzënisë është i dobishëm për qarkullimin, kështu që mitra nuk shkakton shumë presion mbi mëlçinë, përmirëson qarkullimin e gjakut në mitër dhe në veshka dhe i jep lehtësim shpinës duke ia pakësuar dhimbjen.
Përfitime të tjera të gjumit në krahun e majtë
Fjetja në anën e majtë të trupit mund të ndihmojë në parandalimin e ngacmuesve të stomakut dhe të ndihmojë ata që gërhasin kur ata zakonisht janë të shtrirë në shpinë që të marrin frymë më mirë. Edhe dhimbja e qafës dhe dhimbja e shpinës mund të ndikojnë në mënyrën se si fle. Nga ana tjetër ne zakonisht e gjejmë veten në një pozitë më të natyrshme. Por ne duhet gjithashtu të jemi në gjendje të zgjedhim një jastëk të përshtatshëm dhe dyshekun e duhur.
Sidoqoftë, duhet të kujtojmë se edhe nëse biem në gjumë në anën e majtë, gjatë natës ne synojmë të kthehemi dhe të ndryshojmë pozicionin. Nëse mjeku juaj për shembull gjinekologu ka rekomanduar që të flini në anën e majtë për arsye shëndetësore, pyeteni atë për këshilla të mëtejshme për ta ruajtur këtë pozicion.
Flini në anën e majtë apo të djathtë? Ja përfitimet që keni …
Po në krahun e djathtë kur duhet të flemë?
Nuk sugjerohet gjithmonë të flini në anën e majtë të trupit. Mjeku juaj mund të rekomandojë gjumin në anën e djathtë, në disa raste dhe në kushte specifike shëndetësore, me referencë të veçantë për njerëzit që kanë pasur atak në zemër dhe probleme të tjera që lidhen me të.
Për shembull, e fjetura në anën e djathtë mund të ulë ritmin e zemrës dhe presionin e gjakut. Ndërsa gjumi në anën e majtë mund të ketë një efekt negativ në aktivitetin e sistemit nervor simpatik, i cili rregullon shkallën e zemrës dhe presionin e gjakut.
Gjithashtu, zemra mund të jetë në një pozicion më të mirë vetëm kur shtrihemi në anën e djathtë. Kjo është në çdo rast një argument që do të duhet të thellohet shkencërisht.
Konkluzione:
Gjithkush do të zgjedhë se ku të fle në varësi të gjendjes së tyre shëndetësore. Nëse jeni në një periudhë të caktuar për shembull gjatë shtatëzanisë ose në rikuperim pas një ataku në zemër është shumë e rëndësishme të ndiqni këshillat e një eksperti.
Së fundi, disa njerëz mund ta kenë shumë të pakëndshme për të fjetur në anën e majtë dhe preferojnë pozicionin shtrirë ose krahun e djathtë. Mund të varet nga forma juaj fizike, lloji i jastëkut dhe dyshekut që përdorni dhe preferoni.
Për lajm-shqip:
Jorida Fataj
10.06.2018
