Pedagogu Jani Marka flet për mediat pasi studentët e flakën me forcë nga protesta e tyre. Marka pohon se i ka ndërruar disa herë bindjen politike në vite dhe tanimë e ka ndarë mendjen të kontribuojë jo më në to, por në një organizatë.
Flet pedagogu që e flakën nga protesta…
“Unë jam pedagog, – tha ai për mediat. – Janë në Fakultetin e Shkencave Sociale.
“U godita me grushte. U ushtrua dhunë ndaj nesh. Janë dhunuar edhe aktivistet tona. Unë doja të flisja kundër dhunës dhe në atë moment… Imagjino mund të ushtrojnë studentët dhunë? Ne pedagogë dhe studentë jemi bashkë. Kam vite që protestoj për të drejtat e studentëve dhe Universitetin. Do shikoni kush janë njerëzit dhe ata që marrin zjarr këtu. Më larguan sepse janë të dhunshëm. PD të tërheqë eksponentët e dhunshëm nga protesta. Jam me studentët, nuk kam lidhje me politikën. Kauza e pedagogëve e përbashkët me studentët. Bëj thirrje që të mos ketë dhunë”- tha pedagogu pasi e larguan me force.
Në 1992 kam qenë 12 vjeç; nga ajo ditë deri sot mund të kem ndërruar disa herë bindjet, por duke u pjekur forcon idealet. Unë kam shumë ideale, por ajo nuk është partiake, është ajo që kanë studentët: arsim cilësor. Unë doja të flisja kundër dhunës. Kjo ishte e paparashikueshme, kjo protestë u ka dhënë shpresë shqiptarëve. Po ushtrohet dhunë e vazhdueshme ndaj nesh. Janë hedhur mbi ne sulme të jashtëzakonshme. na akuzojnë se jemi pjesë e një organizate tjetër, por jam krenar që jam pjesë e saj.
Unë kam protestuar kundër Veliajt, ndërsa ne na akuzojnë se jemi vegël e tij. Forumet partiake po përçajnë protestën, por ne do i demaskojmë. Janë këtu forumet e tyre, partitë. Pse nuk më lanë të flisja, çfarë kam bërë, çfarë kam bërë unë, çfarë dëmi i kam sjellë?!
Majlinda Dumi
09.12.2018
Të ngjashme mund të lexoni:
- Tension në protestë, studentët nuk lejojnë të flasë pedagogun e shumëpartive
- Studentët ultimatum qeverisë: Keni afat deri të martën
- I bashkohen protestës në Tiranë studentët e Shkodrës
