Rastësi e këndëshme që flaka Olimpike ka mbërritur nga Athina në qytetin e Elbasanit në ditën e parë të festës. Ata janë bërë për pak orë pjesëtarë të atmosferës së Ditës së Verës në këtë qytet. Maratonistët e Paqes janë nisur nga Greqia, duke përshkuar qindra kilometra me pishtarët e kuq ndër duar.
Vjen Flaka Olimpike në qytetin e Elbasanit nga Athina nëpërmjet maratonistëve…
Misionarët e “zjarrtë” kanë mbërritur në Elbasan edhe në zyrën e kryetarit të Bashkisë së këtij qyteti. Ata ishin të shoqëruar nga përfaqësuesit e sportit të Atletikës së qytetit. Një grup ndërkombëtar misionarësh me pishtarë të ndezur, vrapojnë në shumë vende dhe kontinente. Kjo, për të miqësuar popujt, për të harmonizuar kulturat dhe kombësitë. Mesazhi i tyre është i thjeshtë e kuptimplotë. Përcjellin mesazhin e paqes, unitetit, harmonisë dhe mirëkuptimit. Kryebashkiaku, Sejdini, u uroi mirëseardhjen dhe përshëndeti maratonistët e pishtarit të paqes në qytet. Pas këngës “himn” të tyre, maratona e pishtarëve vazhdon rrugën për paqë e mirësi mes popujve të ndryshëm.
Për Lajm-Shqip
Alfrida Danushi
