TIRANE – Në mbledhjen e sotme të qeverisë kryeministri Berisha komentoi ftesën e hapur të kryesocialistit Rama për një tryezë parlamentare, ku të zgjidhet çështja e Fierit. Sipas kryeministrit Berisha, Rama nuk duhet të ngatërrojë ligjet e integrimit me këtë cështje, prandaj apeloi që këto tre ligje të kalojnë në Kuvend brenda datës 20 nëntor.
“Të votojnë këto 3 ligje në seancën e nesërme të Kuvendit, duhen votuar brenda datës 20 nëntor, pra në një një afat kohor 40 ditor në mënyrë që komisioni të informojë shtetet anëtarë që këto kërkesa specifike u plotësuan nga autoritetet shqiptare. Këto ligje nuk mund të lidhen me cështjen e Fierit. Cështja e Fierit nuk mund të lidhet me interesin kombëtar të votimit të këtyre ligjeve”, tha ai.
Kryeministri Berisha nënvizoi ndër të tjera se për Qarkun e Fierit ka një vendim gjykate, mbi të cilin ai nuk mund të dalë. “Ulem për cdo cështje por nuk mund të ulem të diskurtoj për vendime gjykatash, ato janë ligje në kuptimin e forcës dhe detyrimit të zbatimit të tyre, nuk ulem për to”, tha kryeministri.
Berisha nënvizoi se, “Ne jemi të gatshëm të diskutojmë për amendime dhe sygjerime në lidhje me 3 ligjet, por nuk mund të imagjinohet kurrë në një vend të lirë që forcat politike të ulen në tryezë për vendime gjykatash. Dy vite rresht kërkove që ti jepje zgjidhje politike vendimit të gjykatës për kutitë, pas dy vitesh hoqe dorë dhe pranove cfarë tu ofrua në dy vite. Po përpiqesh ti shmangesh përgjegjësisë së tmerrshme që merr mbi vete. Ligjet janë në parlament, ke vërejtje amendime sygjerime urdhëro të ulemi, por lojëra me interesa jetike të qytetarëve mos bëj”, apeloi Berisha.
Kreu i qeverisë tha ndër të tjera se, “bllokimi i këtyre ligjeve, për të ciliat nuk ekziston vakum ligjor, por që përmirësojnë standartet ekzistuese ka sot jehonën më negative për Shqipërinë”.
Sipas kreut të qeverisë qytetarët duan statusin e vendit kandidat, ndërsa Rama do të bëjë pazar, se ka humbur Qarkun e Fierit.
Dukle iu referuar një takimi në PE të ministres së Integrimit, Majlinda Bregu, Berisha komentoi se shqiptarët janë të vetmit që nuk votojnë ato që meritojnë, referuar fjalës së një parlamentari të huaj.
“Zonja Bregu ishte në një takim të rëndësishëm në PE, ndërsa një nga parlamentarët i tha: Si ju shqiptarët nuk është askush, në asnjë vend kurrë nuk ndodh të mosvotoni atë që kërkoni. Ne kërkojmë statusin, Rama nuk thotë jam kundër statusit, por nuk voton ligjet që kërkohen për ta marrë”, komentoi Berisha.
Rama: Berisha mban peng Fierin dhe integrimin
Kryetari i Partisë Socialiste, Edi Rama deklaron se refuzimi i Partisë Demokratike për t’u ulur në tryezë bisedimesh tregon se mazhoranca ka frikë të ballafaqohet me faktet dhe të vërtetat.
vijon …
14.11.2012
Burimi: Balkanweb
