Fier, për vjedhje, dhunë dhe pa patentë, katër në pranga… Arrestohen në flagrancë 4 shtetas, 1 për “Dhunë në familje”, 1 për “Vjedhje” dhe 2 për “Drejtim mjeti në mënyrë të parregullt”.
Fier, për vjedhje, dhunë dhe pa patentë, katër në pranga…
Specialistët për Hetimin e Krimeve në Komisariatin e Policisë Fier, arrestuan në flagrancë shtetasit: Jani Vasa, 31 vjeç, banues në Patos. Arrestimi i këtij shtetasi u bë pasi në datën 10.06.2018 ka ushtruar dhunë psikologjike dhe fizike duke e goditur me grushta nënën e tij. Materialet i kaluan Prokurorisë. Gëzim Duka, 48 vjeç, banues në Luar, Roskovec. Arrestimi i këtij shtetasi u bë pasi është autori i dyshuar i vjedhjes së banesës së shtetasit M.Ç. 46 vjeçari është banues në Roskovec. Gjatë kontrollit të ushtruar në banesën e tij në fshatin Luar, u gjetën dhe u sekuestruan në cilësinë e provës materiale disa paisje elektrike.
Paisjet dyshohen të vjedhura në banesën e shtetasit M.Ç. Specialistët e Sektorit të Qarkullimit Rrugor, arrestuan në flagrancë shtetasit: Marjo Kokoneshi, 31 vjeç, banues në Divjakë, pasi: Në qytetin e Divjakës është kapur nga shërbimet e policisë duke drejtuar mjetin tip “B.M.W “. Ka qëne i pa pajisur me leje drejtimi.
Arlindo Varfaj, 24 vjeç, banues në Patos, pasi: Në unazën e qytetit Patos është kapur nga shërbimet e policisë duke drejtuar mjetin tip “Benz” nën ndikimin e alkolit. Materialet i kaluan Prokurorisë pranë Gjykatës së Shkallës së Parë Fier për veprën penale. “Drejtimi i mjetit në mënyrë të parregullt” parashikuar nga Neni 291 i Kodit Penal.
Për Lajm-Shqip
Vladimir Muçaj
