Fier, Ndahet nga jeta Thoma Binjaku ikona e arsimit kombëtar….Ndahet nga jeta intelektuali i shquar fierak Thoma Binjaku, “Mësues i Merituar”. Sot, e shtunë 31 gusht 2018 në orët e para të mëngjesit është ndarë nga jeta në moshën 76 vjeçare Thoma Binjaku. “Mësues i Merituar”. Thoma Binjaku është dekoruar me urdhërin “Naim Frashëri” të klasit I,II,III.
Fier, Ndahet nga jeta Thoma Binjaku ikona e arsimit kombëtar…
Ai u lind në fshatin Peshtan në 5 gushtin e vitit 1942. Studimet e para i mori në shkollën numër tre në qytetin e Fierit. Sot shkolla 9-vjeçare “Naim Frashëri”. Këtu shkëlqeu me rezultate. Ishte koha kur në fshatin e tij të lindjes, Peshtan nuk kishte ende një shkollë 7-vjeçare. Ajo u ndërtua në vitin 1956. Por për shkak se në Fier nuk kishte shkollë të mesme atij ju dha mundësia të studionte në gjimnazin “Ali Demi” në Vlorë. Shkollën pedagogjike e përfundoi në vitin 1959. Më pas emërohet mësues në shkollën 7-vjeçare të Peshtanit. Pas përfundimit të shkollës së lartë emërohet zv.drejtor në Peshtan. Pas një viti emërohet drejtor i kësaj shkolle dhe kryedrejtor i zonës së Levanit. Me nismën e tij u ngrit shkolla “Hamdi Metaj” në Peshtan. Shkollë e cila vazhdon edhe sot.
Punoi për dy vjet 1972-1974 si inspektor në Ministrinë e Arsimit. Ministria drejohej nga Tefta Cami, por përshkak se strehim shteti nuk i siguroi, ai u rikthye në Fier. Në vitin 1974 ai nisi punë në Komitetin Ekzekutiv në seksionin e Arsimit dhe të Kulturës në Fier. Punoi për 14 vjet si Inspektor i arsimit. Me ndërrimin e sistemit ai largohet nga ky institucion në vitin 1990 Emërohet drejtor i shkollës “Pinellopi Pirro”. Aty punoi katër vjet duke filluar nga 4 qershori i vitit 1990. Në vitin 1994 emërohet mësues në Mbrostar- Ura. Punoi deri në vitin 1998. Në vitin 1998 ai emërohet drejtor në shkollën “Andon Xoxa” ku punoi për 10 vjet. Ajo ishte shkolla më e madhe në Republikë e kohës me 2000 nxënës. Ishte koha kur ne Fier erdhën 474 fëmijë nga Kosova të cilët ai I mori në shkollën që drejtonte. Ishte një kohë e vështirë për kombin.
Fieri humbi ikonën e tij…
Në 15 shtator ai i përcolli fëmijët në Kosovë pasi nën drejtimin e tij të gjithë u pajisën me deftesë. Më tej transferohet në shkollën “Pinellopi Pirro” si zv.drejtor ku punoi deri sa doli në pension. Edhe pas daljes në pension ai ka punuar drejtor në shkollën “Alen”, më tej drejtor në shkollën “Krisli”, drejtor në “Tole Alba” dhe në fund në shkollën “Siljano”. Duhet thënë pa e tepruar se Fieri dhe arsimi në përgjithësi sot humbi ikonën e vet!. Ai ka një kontribut të lartë në shërbim të pedagogjisë kombëtare. Thoma Binjaku është pjesemarres në Kongresin e Drejtshkrimit të gjuhes shqipe ne Tirane në vitin 1972.
Vladimir Muçaj
31.08.2018
