Ferguson dhe Bejl marrin çmimet e…

Sër Aleks Ferguson ka marrë edhe çmimin e fundit të karrierës së tij si trajner, duke u shpallur trajneri më i mirë i sezonit 2012-’13. Për teknikun e Junajtid ky çmim fitohet për herë të 11-të në karrierën e tij, ndërsa për herë të parë skocezi nderohej në vitin 1994. 71-vjeçari pranoi se ishte një kënaqësi që e fitonte këtë çmim dhe nuk ndihej aspak keq që po dilte në pension, edhe pse do t’i mungonte futbolli. Kur e pyetën se çfarë ka ndërmend të bëjë gjatë gjithë javës, ai tha se do të “thajë” të gjitha vreshtat e verës. Pengu i vetëm i tij është fakti që Robin Van Persi nuk fitoi asnjë çmim prestigjioz nga vota e lojtarëve apo trajnerëve këtë sezon, veç “Këpucës së Artë”. Holandezi ndihmoi “djajtë” të fitonin titullin e 20-të me 25 golat e tij në “Old Trafford”. Ndërkohë, pas çmimit të lojtarit më të mirë dhe të ri të sezonit, Garet Bejl është shpallur lojtari më i mirë i Premier Ligës.
Çmenden Spërsat, 45 mln euro Bejlit për 5 vjet Totenhemi është i sigurt se mund ta mbajë Garet Bejlin në “White Hart Lane” me një kontratë të parefuzueshme në fund të këtij sezoni. Bosi i klubit, Daniel Levi, është gati t’i ofrojë 170 mijë euro në javë yllit uellsian, në rast se londinezët do të sigurojnë një vend në Ligën e Kampioneve sezonin e ardhshëm. Emri i lojtarit të vitit në Angli këtë sezon është përfolur për një transferim të mundshëm te Reali i Madridit, por Spërsat u kanë rezistuar sulmeve të spanjollëve edhe në sezonet e shkuara. Kontrata e re, që pritet t’i ofrohet talentit 23-vjeçar, është 5-vjeçare dhe kap vlerën e 45 mln eurove, gati dyfishi i pagës aktuale.