Një paralajmërim i ministrit të Brendshëm Fatmir Xhafaj, vjen për të gjithë qytetarët. Ministri Xhafaj, ka dhë një mesazh të qartë, për protestuesit: Na pretë në besë…por, ‘Askush nuk del mbi ligjin’…
Xhafaj për protestuesit: Na pretë në besë…por, ‘Askush nuk del mbi ligjin’…
Ky mesazh i Xhafajt, shkoi pë gjithë ata protestues, të cilët kanë marrë pjesë ditën e sotme në protestën. Në një dalje urgjente për mediat, Xhafaj bëri me dije se mes protestuesve, ka pasur persona me precedentë penal. Ministri i Brendshëm ka kërkuar si nga organet vendore, ashtu dhe nga protestuesit e përgjegjshëm… Të negociojnë për të mos shkatërruar pronën e përbashkët publike.
Ai deklaroi se nga përleshja mes protestuesve dhe policisë kanë mbetur 12 efektivë të plagosur. Ndërsa nuk foli nëse ka nga ana e protestuesve persona të lënduar. Ja çfarë tha Xhafaj:
“Në përputhje me kërkesën e bërë dhe në respektim të kësaj të drejte themelore të qytetarëve. Policia e Shtetit krijoi të gjitha kushtet dhe mori masat e duhura sipas ligjit, për zhvillimin e këtij tubimi. Sikurse mundet të keni ndjekur nga njoftime të ndryshme mediatike, manifestimi i presupozuar paqësor, u shndërrua menjëherë në një sulm barbar kundër punonjësve të Policisë së Shtetit. Por, dhe kundër pasurisë publike, dhe asaj private. Grupe individësh të papërgjegjshëm, mes të cilëve gjendeshin elementë me të shkuar të rëndë kriminale. Si dhe persona të tjerë me rrezikshmëri të lartë shoqërore, shfrytëzuan pabesisht të drejtën legjitime dhe paqësore të tubimit. Shpreh gjithë mbështetjen dhe respektin për të gjithë ata qytetarë, të një zone të dalluar për ndershmëri, krenari dhe fisnikëri sikurse është zona e Kukësit, të cilët u distancuan nga këta individë të papërgjegjshëm.
Ndërsa, për ta mbyllur, Xhafaj tha: Asnjë e drejtë e pretenduar nuk mundet të justifikojë, në asnjë kohë dhe në asnjë rrethanë, sulmin kundër punonjësve të Policisë së Shtetit, dhe shkatërrimin e pronës.
Për lajm-shqip:
Leonard Xhelili
