Faktet e reja, zyrtari i DEA-s tregoi skemën e kokainës. Prokuroria për Krimet e Rënda i ka dërguar një letërporosi Prokurorisë së Livornos për kokainën.
Prokurorët kërkojnë të njihen me proçedurat e firmosura nga autoritetet doganore të portit të Livornos.
Kjo pasi ka dyshime mbi dokumentacionin që shoqëronte mallin.
Dyshimet janë se transportuesit kanë fshehur dokumentin Italian në portin e Durrësit.
Droga e nisur nga Kolumbia kaloi në disa porte në Europë mes tyre ne Livorno, para se të mbërrinte në Durrës.
Ndërkaq, agjensitë ndërkombëtare kanë sjellë një raport të plotë mbi drogën nga Amerika Latine.
Policia e Ekuadorit ka sekuestruar 4 ngarkesa më kokainë të cilat kishin si destinacionin final portin e Durrësit.
Dy operacione janë zhvilluar gjatë vitit 2014, një në 2015 dhe një tjetër në 2016.
Për këto operacione është njoftuar policia shqiptare por nuk janë identifikuar porositësit dhe pritësit e kokainës.
Autoritetet e Ekuadorit kanë sekuestruar në total 317 kg kokainë të pastër me destinacion Shqipërinë.
Në operacionin e datës 24 Nëntor 2015 në një kontenier të mbushur me banane u gjetën 82 pako kokaine.
Të cilat kishin peshën 93 kilogram. Droga ishte e fshehur në tavanin e kontenierit.
Destinacioni final ishte Durrësi.
Droga i përkiste Arbri Garden dhe për këtë u njoftuan autoritetet shqiptare të cilat nisën një hetim.
Ata morën në pyetje pronarin e kompanisë Arbër Cekaj.
Sipas Prokurorisë së Krimeve të Rënda çështja u pezullua pasi nuk ka mbërritur letër porosia.
Për herë të parë alarmin për shtrirjen e mafia-s shqiptare në Ekuador e ka dhënë DEA amerikane.
Jay Bergman, Drejtor i DEA-s për Amerikën Latine deklaroi se Ekuadori po kthehet në rrezik.
Ai po bëhet OKB-ja e krimit të organizuar. Sipas tij grupet shqiptare operonin nga qyteti Quito.
Tre vite më vonë më 9 Nëntor 2014 sekuestrohen në një kontenier 34 kg kokainë me destinacion Durrësin.
Më 18 Maj 2014 Policia e Ekuadorit sinjalizoi finalizimin e operacionit të koduar “Arcano”.
Në këtë operacion u kapën 89 kilogram kokainë e pastër. Përsëri destinacioni final porti Durrësit.
Më 24 Prill 2016 në portin e Guayaquil u sekuestruan 102 kilogram kokainë.
Droga ishte e fshehur në tavanin e kontenierit dhe ishte gati për tu ngarkuar në anije me destinacion Durrësin.
Por asnjë shtetas shqiptar nuk është arrestuar deri më tani.
Në Ekuador u vra një person nga Vora gjatë verës së shkuar e pak më pas u plagos një tjetër.
DEA ka hetuar me detaje të gjitha operacionet dhe ka arritur të gjejë grupin që operon tërë këtë sasi droge.
Për Lajm-shqip
Ylli Pata
