Facebook po përdor fotot selfie për të identifikuar përdoruesit e tij
Së fundmi, gjigandi i rrjeteve sociale, Facebook, po përdor një standart të ri sigurie gjatë logimit të përdoruesve.
Mësohet se rrjeti social është duke u kërkuar përdoruesve të tij të verifikojnë identitetin e tyre përmes një foto selfie.
Në fakt kjo risi është lancuar që në muajin prill, raporton aitc.org.al.
Përdoruesit janë shprehur se në momentin e logimit, atyre u është shfaqur një mesazh në ekran:
“Please upload a photo of yourself which clearly shows your face.
When you send us a photo, we’ll check it and then permanently delete it from our servers.”
Ky standart i ri sigurie pritet të lancohet në gjithë botën.
Sipas aitc.org.al, ky standard ka si qëllim të ndihmojë atë të identifikojë aktivitetet e dyshimta në site.
Bëhet fjalë për një proces të automatizuar, i cili paraqitet dhe në rastet kur një përdorues dërgon ftesa të shpeshta apo kur dyshohet se një person përdor më shumë se një profil.
Ndërkohë që, foto analizohet nga Facebook, përdoruesit nuk i lejohet logimi në rrjetin social, maksimumi deri në 72 orë.
01.12.2017
